Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Deputeti i PD: Ky portal qenka për të sorollatur e përqeshur njerëzit

Politiko 2 Gusht 2018, 10:40

Portali i bashkëqeverisjes vazhdon të jetë në qendër të kritikave nga opozita, referuar edhe dëshmive të qytetarëve.

Deputeti i PD, Luçiano Boçi shkruan përmes rrjeteve sociale se ky portal është shndërruar thjeshtë në një pikë shfryrje mllefi dhe jo zgjidhe e problemeve, siç komenton kryeministri dhe vartësit e tij.

Boçi i referohet rastit të mësuesve që kërkojnë sipas ligjit, paratë e transportit.

Statusi i plotë:

Përqeshja e bashkëqeverisjes

I hapur me bujën e zakonshme që Rama u jep veprimeve të veta, portali i bashkëqeverisjes është shndërruar thjesht në një pikë shfrimi, ku qytetarë të ndryshën nxjerrin mllefin e tyre për hallet e problemet e pafund, pa gjetur asnjë zgjidhje.

Sepse në anën tjetër të tij janë qeveritarët, që qeshen, përqeshen e bëjnë gallatën e radhës me njerëzit.

I shkruajnë hartime me cinizëm hallexhinjve, se filan ligj, kollan maliq, X paragraf, Y shkresë me numër 123, 122, 132,....., i pengon.

Ose i thonë me tallje: “Problemi juaj është i drejtë, por ju s’keni të drejtë”.

Ose e kalamendin në zyra pa fund: “Do shkosh tek zyra majtas, pastaj korridori djathtas, pastaj ndërtesa afër rrugës, aty është një njeri me kapele, kati i .....”, derisa njeriu i shkretë e le gjithçka në mes.

Kështu i ndodhi dhe mësuesve që kërkojnë sipas ligjit, lekët e transportit.

Mirë që rroga nuk i rrisin, por nuk i japin dhe mundin që i takon.

Dhe e dini cila është përgjigja përqeshëse e portalit?

Nuk ju paguajmë sepse Ministria e Arsimit ka humbur gjyqet për pushimet e padrejta të mësuesve nga puna!!? (shkresa në foto).

Hajde tallje hajde!!!

Se ç’lidhje ka paaftësia e kësaj ministrie me mësuesin e shkretë që rropatet për ato pak lekë, hajde gjeje.

Por portali për këtë punë na qenka: Për të sorrollatur e përqeshur njerëzit.

Sipas qeverisë: Me mbajt njerëzit me gajret, se për zgjidhje askujt s’i pëlcet.

Të fundit