Deputeti demokrat Hekuran Hoxhalli ka bërë një analizë mbi shembjen e Teatrit Kombëtar ku tregon skemën që sipas tij po ndjek qeveria shqiptare për zaptimin e pronës publike.
Nga Komisioni i Medias, deputeti i djathtë tregon se si po tentohet që të bëhet “dhuratë” Teatri Kombëtar duke shigjetuar kryeministrin Edi Rama, ministren e Kulturës Mirela Kumbaro si dhe kryebashkiakun Erion Veliaj.
“Bashkia të “plas buzën” e të “merr shpirtin” po të lëvizësh një centimetër prej Planit të Përgjithshëm Vendor. Me një përjashtim….me përjashtim të zonës ku Lali Edi,jo Lali Eri) ka ndarë mendjen të na bëjë “dhuratë” teatrin (tek ky projekt Lali Edi i thotë Lali Erit: ty t’ka Lala çun!).
Për të kuptuar ndalesën e parë në shtegun e korrupsionit duhet të lexojmë PPV. PPV ka pasaportën për çdo njësi, ku përcaktohen rreptësisht kushtet për ndërtimin në Tiranë. Njësia ku Lali Edi do na “dhurojë” teatrin ka emërtimin TR/1”, shprehet Hoxhalli.
Më tej, deputeti demokrat sjell në kujtesë edhe miratimin e PPV të Tiranës, ku sipas tij ishte bërë plani për prishjen e teatrit.
“Kur Lali Edi miratoi PPV e Tiranës, e kishte ndarë mendjen që do na bënte me “teatër”, me teatër dhe gjashtë kulla në zemër të Tiranës, të gjitha në truall publik, atje ku ligji nuk e lejon të ndërtojë.
Nëse nuk më besoni, atëherë zbrisni dhe ju në ndalesën e parë të korrupsionit dhe lexoni, duke krahasuar, faqen e parë të pasaportës së PPV më poshtë. Binduni vetë”, nënvizon Hoxhalli i cili përcjell edhe dokumentin e mëposhtëm:
Discussion about this post