Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Deputetja e PD për Partneritetet Publik-Privat: Janë të gjitha korruptive

Politiko 22 Janar 2019, 19:13

Deputetja e PD për Partneritetet Publik-Privat: Janë të gjitha

Deputetja e Partisë Demokratike, Jorida Tabaku ka komentuar sërish Partneritetet Publik-Privat duke thënë se qeveria, pas kritikave nga ndërkombëtarët dhe presionit të opozitës, ka vendosur të ndryshojë fasadën e koncesioneve, duke propozuar një ligj që do të shërbejë për t’u justifikuar sërishmi përpara ndërkombëtarëve.

Tabaku shton se proceduarat ligjore janë shkelur nga qeveria sipas oreksit të saj, në kundërshtim të hapur me sanksionet e parashtruara dhe thekson se të gjitha PPP-të e dhëna janë korruptive dhe janë shpërndarë pa bërë asnjë studim paraprak.

Postimi i plotë:

Genjeshtra me PPP! Pasi shpërndanë PPP për mbi pesë vjet dhe pasi çdo institucion ndërkombëtarë shprehu pakënaqësitë për mënyrë e lehtë se si keqpërdoren paratë publike të vendit, qeveria dhe mazhoranca kanë vendosur që të ndryshojnë fasadën e koncesioneve duke propozuar një ligj që do të shërbejë për t’u justifikuar sërishmi përpara ndërkombëtarëve.

Përse them fasadë? Së pari qeveria është vendosur nën trysninë e denoncimeve te opozitës dhe institucioneve ndërkombëtare për abuzimet me tenderat dhe PPP-të. FMN, Banka Botërore e deri raportet e DASH, drejtojnë gishtin nga procedurat korruptive që qeveria kryen për PPP-të dhe tenderat. Këto procedura, siç edhe raportet vërejnë dhe nënvizojnë, kryhen si pasojë e mosrespektimit të ligjit nga ana e funksionarëve të shtetit dhe administrata.

Le të marrim shembullin e inceneratorëve të cilët kanë shkelur procedurat dhe afatet ligjore të cilat ishin dhe janë në ligjin e koncesioneve dhe PPP-ve. Përse u dhanë inceneratorët në kundërshtim me ligjin? Përse u kalua ligji special për ndërtimin e Aeroportit të Vlorës (që ende është në pikëpyetje dhe ne si deputetë nuk kemi asnjë informacion) kur ligji ishte i qartë? Përse shumë e shumë PPP të tjera kanë kaluar me ligje specifike, si fjala vjen ligji për prishjen e Teatrit Kombëtar?

Siç edhe kuptohet lehtësisht nuk ka qenë ligji problemi i qeverisë, pasi ligjet zbatohen nga funksionarët dhe nëpunësit e shtetit. Jam shumë e bindur që një nëpunës serioz dhe një ministri e pakapur nga oligarkët nuk do të kalonte ofertën për Unazën në projektin e zonës së Astirit. Pra, nuk qenka ligji ai që pengon një qeveri të zbatojë kriteret e duhura për të kryer një garë të barabartë. Por është fryma dhe qëllimi politik që udhëheq zbatimin apo jo të ligjit. Siç edhe është lehtësisht e kuptueshme dhe botërisht e ditur, qeveria nuk ka synim të respektojë ligjin dhe ligjet. Bërthama e saj është e kalbur dhe synon të vazhdojë të njëjtën rrugë pasi ajo ushqehet nga një burim që ka nevojë për PPP-të dhe koncesionet.

Prandaj, këto ndryshime ligjore janë fasadë dhe nuk kanë gjasa të zbatohen nga një qeveri që në fund të ditës nëse do të ishte e përgjegjshme pas zbulimit të skandalit me Unazën e re në zonën e Astirit, do të reflektonte duke parë të gjitha koncesionet një për një. Një tjetër argument lidhet me ligjin e ri, nëse qeveria është kaq e vendosur kundër PPP përse nuk vendos që asnjë kompani me letra offshore nuk mund të fitojë një të tillë?

Ky ndryshim ligjor vjen mbasi kane koncesionuar cdo aks rrugor me programin e 1 mld qe tashme ka shkuar 2,2 mld e mbasi kane vendosur financat publike ne rrezik me rritjen e borxhit me 12 përqind vetëm nga këto kontrata. Të gjjtha ato janë abuzive, të pabazuara në studime, korruptive e me kosto të fryra dhe do të analizohen një për një duke çuar para drejtësise këdo që ka abuzuar me fondet publike.

Platforma antikorrupsion do të çlirojë ekonominë nga kjo barrë e rëndë dhe buxhetin e shtetit nga kostot e qokave nëformë PPP-je. Investimet reale në infrastrukturë, arsim e shëndetësi do të bëjnë të mundur që Shqipëria të vazhdojë të zhvillohet si gjithë rajoni.