Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Deputetja Ulqinaku i përgjigjet zëvendëskryeministres: Bashkia Shkodër është lënë jashtë skemave të qeverisë

Politiko 19 Nëntor 2017, 14:08

Deputetja Ulqinaku i përgjigjet zëvendëskryeministres: Bashkia

Deputetja e Partisë Demokratike, Izmira Ulqinaku i është përgjigjur deklaratave të bëra nga zëvendëskryeministria Senida Mesi e cila, një ditë më parë, tha se qeveria është e interesuar për të ëbrë investime për Shkodrën por pengohet nga Bashkia.

Në reagimin e saj, deputetja Ulqinaku i kujton zëvendëskryeministres se Bashkia Shkodër është lënë krejtësisht jashtë skemave mbështetëse nga qeveria duke mos përfituar asnjë financim, ndryshe nga bashkitë e tjera. Deputetja demokrate liston një sërë projektesh që bashkia e Shkodrës ja ka paraqitur qeverisë por kjo e fundit i ka refuzuar duke mos realizuar asnjë prej tyre.

Deklarata e plotë e deputetes Izmira Ulqinaku

Një ditë më parë, zëvendëskryeministrja zj.Senida Mesi, gjatë pjesëmarrjes në një investim të OSHEE-së, në Luguçesme, ka vijuar avazin e kësaj qeverie, duke thënë se janë mjaft të interesuar për Shkodrën, por kanë pengesë Bashkinë, për të bërë investime. Në fakt të vjen keq që edhe zj. Mesi, po bëhet pjesë e kësaj skeme që gjatë 4 viteve të kaluara u përdor në mënyrën më të paprinciptë nga kryeministri Rama. Sa për kujtesë të zj. Mesi, Bashkia Shkodër është lënë krejtësisht jashtë skemave, duke mos përfituar asnjë financim, ndryshe nga bashkitë e tjera që janë ndihmuar në fusha të tjera si arsimi, shëndetësia, infrastruktura apo në fondin e “Shqipërisë Dixhitale”.

Mjafton t’ju kujtoj se lista e aplikimeve dhe e projekteve të dorëzuara nga bashkia Shkodër është e gjatë: Kjo bashki, e jona dhe e juaja, vetëm brenda vitit të kaluar, ka aplikuar me projekte për rikonstruktimin e 4 shkollave, e 3 qendrave shëndetësore, 6 ujësjellësve, për ndërhyrjen në infrastrukturën rrugore për sistemim dhe asfaltim, si dhe rikonstruksion të 7 rrugëve, rikualifikime urbane blloqesh banimi dhe parqesh e lulishtesh. Dhe përgjigjgjja ka qenë gjithnjë e njëjtë. Asnjë prej tyre nuk është miratuar.

Projektet refuzohen, nuk informohen arsyet e refuzimit, ashtu siç mungon transparenca e përzgjedhjes së projekteve fituese. Aq më tepër, si ish-anëtare e Këshillit Bashkiak të Shkodrës, jeni mirëfilli në dijeni për projektet e Bashkisë, për më tepër shtrirja e dorës së bashkëpunimit dhe aplikimi me projekte ka qenë të vazhdueshëm. Por, këtu do t’i kujtoja që edhe investimet në drejtoritë që varen direkt nga ministritë dhe jo nga bashkia, kanë pasur investime minimale në Shkodër.

Zonja Mesi, si shkodranë, padyshim na vjen mirë që kemi një bashkëqytetare tonën si zëvendëskryeministre, por do t’ju luteshim që të ruanit dinjitetin shkodran e të mos imitoni pikë për pikë shefin tuaj. Mos bëni dhe ju siç bëri Rama pak ditë më parë, që me një vizitë eja-dil- e duku, bëri një takim me tregtarët e mishit të Tregut të Rusit, dhe me paturpësinë më të madhe u thotë që nuk do t’ju braktisim. A thua se s’ishte urdhëri i tij që mbylli thertoret në mbarë vendin, në favor të 4-5 bizneseve të mëdha që janë pranë tij.

Prandaj, kur vini të bëni një inagurim të një linje të OSHEE-së, që qeveria juaj e kishte për detyrë ta bënte 4 vite më parë, do të ishte më mirë dhe më serioze që interesi për Shkodrën të reflektohej edhe në projektbuxhetin e 2018-tës, projektbuxhet që mban firmën tuaj. Shifrat në Tiranë, nuk e shprehin atë që ju thoni me gojë në Shkodër.

Zonja Mesi, jemi plotësisht dakord me atë që ju thatë se “Sigurisht për të patur bashkëpunim duhen dy palë”, por e jona nuk ka munguar, tani na mbetet të shohim tuajën dhe të qeverisë.