Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Derbi i sjell qetësinë Lerdës dhe fut në stres trajnerin Mema

Politiko 30 Shtator 2019, 09:03
Derbi i sjell qetësinë Lerdës dhe fut në stres trajnerin

Para derbit, trajneri i Tiranës Ardian Mema ndihej i qetë, ndërsa kërkonte nga të tijtë që të ishin me këmbë në tokë. Bardheblutë ishin favoritë në këtë përballje. Ndërkohë që presioni binte mbi Partizanin dhe trajnerin Franko Lerda, me këtë të fundit që rrezikonte shkarkimin nëse të kuqtë do të zhgënjenin. Por në përfundim të sfidës situata ndryshoi plotësisht.

Tani është trajneri i badhebluve, që rrezikon shkarkimin. Do të jetë një mbledhje e drejtuesve që do të vendosë se si do të veprohet. Por reagimi i presidentit Refik Halili pas përfundimit të takimit ishte mjaft i ashpër.

I pyetur nëse rrezikon tekniku, ai u përgjigj: “E çfarë nuk ndodh, të gjitha i kemi në tavolinë.”

Por më pas shtoi se nuk ka përse të bëhet zhurmë, pasi kampionati është ende i gjatë. Por të rrezikuar janë edhe futbollistët.

“Keqardhje për të gjithë tifozët dhe për njerëzit që punojnë shumë, ka dhe nga ata që nuk dinë ta bëjnë punën mirë. Do të shikojmë se çfarë do bëjmë në të ardhmen. Ta themi nesër për kë është ky mesazhi.

Skuadra ka brumë, ka lojtarë goxha të mirë. Kam besim që ato do bëjnë më të mirën në të ardhmen. Duhet t’i marrin gjërat shtruar. Do shikojmë te drejtuesit, aty e kemi problemin. Do marrim masa për më të mirën. Do ketë ekip që do luajnë te ekipi B dhe nuk do luajnë kurrë tek ekipi i parë siç luajtën sot”, tha Halili për mediat.

Të fundit