Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

4 pacient me COVID i dhanë fund jetës, Rama: Vetëvrasje në spitale ka dhe në botë, apo i nxiti qeveria shqiptare?!

Politiko 11 Nëntor 2020, 12:23

4 pacient me COVID i dhanë fund jetës, Rama: Vetëvrasje në

Foto Ilustruese/ Kryeministri Edi Rama

Kryeministri Edi Rama nuk i ka kursyer akuzat ndaj kundërshtarëve politik, Basha dhe Kryemadhi, por edhe Presidentit Meta, duke u shprehur se ata po e përdorin COVID-in politikisht duke thënë të pavërteta, për të marrë pushtetin.

"Pse po e bëjnë të gjithë këtë, për një strategji për pushtet që nuk kanë shans ta marrin se e kishin mundësinë dhe e shfrytëzuan shumë keq. Si mund të bëhet një gjë e tillë pa fakte dhe shifra duke nxjerrë lloj lloj sharlatanësh që flasin për gjëra pa lidhje si mundet", tha Rama.

Referuar vetëvrasjeve të pacientëve të infektuar me COVID, Rama tha se të tilla raste ka kudo në botë për shkak të stresit, ndërsa përmendi disa prej tyre, mes të cilëve edhe mjekë në panik.

“Si mund të ngrihet hipoteza se vetëvrasjet ndodhin në spital për këtë. Shifrat botërisht tregojnë atë që është paralajmëruar në mënyrë të vazhdueshme nga ekspertët se një nga pasojat e futjes së këtij armiku të padukshëm në trupin e njërit, është nxitja për të vrarë veten. Është e materializuar në shifra. Në Itali nga marsi në gusht u vetëvranë 71 persona.

Janë regjistruar një numër i konsiderueshëm tentativash vetëvrasjesh. Në Francë është lidhur numër i vetëvrasjeve, që lidhen me COVID. 4 persona në Gjermani, në Arabinë Saudite, në Britani. Kanë kryer vetëvrasje nga ankthi, në Mbretërinë e Bashkuar një infermierë vrau veten gjatë orarit t punës. Një mjekë rus u vetëvranë duke u hedhur nga dritaret e spitalit, pasi kanë rezultuar pozitiv me COVID dhe kanë përjetuar stresin emocional të frikës që paralajmërohet në mënyrë të vazhdueshme nga ekspertet e shëndetit në këtë situatë. |nga 21 shtatori deri në 20 tetor, 4 pacientë janë vetëvranë në Ukrainë.

Dy rastet para burra, janë hedhur nga dritarja e spitalit klinik të Kievit nr.4. U raportua se ata ishin me Covid dhe kanë përjetuar atë stres të tejskajshëm. Në tetor një grua u hodh nga një prej spitaleve në Ukrainë, Një tjetër në një spital të Kiveit, një burrë u hodh, Qeveria e shqiptare i nxit këto vetëvrasje në botë?! Një kolegu juaj thoshte se vetëvrasja nxitet nga zhurma e aparaturave që janë të vjetra.

Në SHBA, në linjën e emergjencave federale janë regjistruar në muajin prill, mbi 1000% thirrje nga familjarë të personave me çrregullime emocionale. Është vetëvrarë personel mjekësor, me hedhje nga dritarja në Neë York. Në një studim qysh në muajin maj, botërisht i njohur, është parapare rritja e numrit të vetëvrasjeve me 32 % globalisht si pasojë e COVID. Në Poloni ka pasur vetëvrasje të personelit mjekësor po ashtu. Edhe në Greqi ka pasur vetëvrasje në një qendër të strehimit social.

E mendoni se sa njerëz janë në shtëpi me ankthin e kësaj sëmundje sot?! E nuk guxojnë që të hapin televizorët. Nis me Lulin, vazhdon me Ilir, pështjellohet me Monikën, dhe kronizohet me Berishën dhe pastaj si mbyllje me ca analistë”, tha Rama.