Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

Arrestimi i Bllakos i hapi rrugë rikthimit në Kuvend, si “u skualifikua” Pandeli Majko nga lista e PS

Politiko 4 Prill 2022, 13:19

Arrestimi i Bllakos i hapi rrugë rikthimit në Kuvend, si “u

Arrestimi i ish-deputetit socialist, Alqi Bllako, nën akuzë për përfshirje në aferën e inceneratorëve, i hapi rrugë rikthimit në Kuvend të Pandeli Majkos.

Majko mbeti jashtë listave të Partisë Socialiste pas zgjedhjeve të 25 Prillit. Rama e vendosi Majkon në vendin e 19-të në listën e PS në Tiranë, duke e pozicionuar Majkon në “zonën e nxehtë”. Me pozicionin e caktuar Majko ishte "i djegur".

I pyetur asokohe, kryeministri Edi Rama deklaroi se Majko ishte në vijën e parë prej 30 vitesh dhe se tashmë kishte ardhur koha të mos qëndronte më në majë.

“Pandeli Majko është i 19 sepse ai ka 30 vjet që është në vijën e parë, ose në nivelin më të lartë të PS, dhe sigurisht që Pandeli Majko, unë, Gramoz Ruci, të tjerë, nuk mund të rrimë në majë atje dhe ta shikojmë nga lart poshtë se cfarë ndodh aty ku është objektivi, kur ne duhet të jemi tek objektivi. Aty është balli i përballjes me kundërshtarin, nuk është në majë të listës”, tha Rama.

Prrenditjen në vendin e 19-të të listës së Tiranës, Majko tha se nuk mund të vendosnin në listë kandidatë të panjohur dhe të tjerët, mes tyre edhe ai, të qëndronin në krye. Në njëfarë mënyre, Majko pranoi ‘fatin’ që Rama tashmë i kishte përcaktuar.

“Nuk mund ta bënim duke qëndruar në krye të listës dhe duke vendosur disa të rinj të panjohur për elektoratin socialist duke iu thënë që tani votat do t’i mblidhni duke votuar për ta, ne të tjerët por rrimë dhe po ngrohemi në zjarrin e votave të atyre që do të jenë në vijën e zjarrit. Bën një diferencë me listat dhe mënyrën si do të mbledhi votat opozita. Ka edhe me keq, po të shikoni listën e Partisë Demokratike, ata duhet të mbledhin vota edhe për kryetarët e partive të tjera”, deklaroi Majko.

Me 8.780 vota, Majko nuk arrit të thyente dot herësin për të kapërcyer “zonën e kuqe” e për të hyrë në radhët e socialistëve në Kuvend. Pas rezultatit, Majko pranoi “skualifikimin”.

“Miq, megjithëse matematika më rendit në 10 kandidaturat e votuara në qarkun e Tiranës, në zgjedhjet e 25 prillit, unë nuk do të jem deputet në Kuvendin e Shqipërisë. Sistemi elektoral është ky që kemi pranuar. Përvoja më ka mësuar se duhet të jesh i gatshëm të shohësh atë që ekziston. Isha i bindur se do ti fitonim 19 mandate në Tiranë”, shkroi asokohe Majko në Facebook.

Pavarësisht se Rama e la jashtë listës dhe Parlamentit, Majko e gjeti rrugën për t’u rikthyer. Marrja e mandatit të dorëzuar nga ish-deputeti Alqi Bllako, do t’i japë atij vendin e ish-socialistit në Kuvend.