Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

Braçe i kërkon ‘llogari’ Manastirliut për buxhetin e vaksinimit: Shtyj procesin, mos i mbaj vaksinat në frigorifer

Politiko 8 Nëntor 2021, 12:19

Braçe i kërkon ‘llogari’ Manastirliut për buxhetin

Deputeti i PS-së Erion Braçe ka pasur rezervat e tij për buxhetin e akorduar për Ministrinë e Shëndetësisë dhe Mbrojtjes Sociale.

I pranishëm në Komisionin e Shëndetësisë dhe Çështjeve Sociale, Braçe i ka kërkuar ‘llogari’ ministres Ogerta Manastirliu se si mbi bazën e cilit plan do të justifikohet buxheti prej 91 miliardë lekësh i akorduar për Ministrinë e Shëndetësisë.

“Nëse i mbajtja shënim shifrat, 91 mld lekë, 4.8% e GDP për shëndetësinë janë shumë lekë. Në çdo kohë thuhet se s’ka lekë për shëndetësinë dhe ndihmën ekonomike. Por ja erdhëm në situatën kur paratë u gjetën. Tani sfida më e madhe e institucioneve është që të përmbushet misioni. 63 mld lekë vetëm për funksionin e shëndetësisë janë shumë para. 27 mld lekë për Mbrojtën Sociale janë shumë para. Po ti vësh këto shuma në raport me shërbimet që japim, nuk anojnë nga krahu i shërbimeve. Këto janë para publike që dalin nga taksimi. Pyetja themelore është se këtu mbulohet i gjithë plani që kemi, a mbulohet plani për imunizimin e vaksinimit? Që të bëhet imunizimi me vaksina, Se tani të blesh vaksina, dhe ti mban në frigorifer, siç i keni apo jo”, u shpreh Braçe.

Lidhur me çështjen e vaksinimit dhe vendosjes së ‘green pass-it’ edhe në bare e restorante, Braçe u tregua i ashpër duke dalë kundër Shoqatës së Bareve, të cilët u shprehën se vendosja e ‘green pass’ do t’i penalizonte njësoj si pandemia.

Braçe solli në vëmendje derbin e djeshëm në Itali,ku theksoi se vetëm shqiptarët ishin kthyer mbrapsht pasi nuk ishin paraqitur në hyrje të stadiumit me certifikatë vaksinimi.

“Kjo çështja e shtyrjes së procesit të vaksinimit do kurajo. S’mund të vërë parapara një shoqatë baresh dhe restorantesh interesin publik, por interesi publik është në këtë rast është shëndeti i njerëzve. Doli ai i bareve dhe restoranteve dhe tha; “do të goditemi”. Po le të goditesh. Gjëja më elementare që iu kërkohet njerëzve është që të bëjë vaksinën, Kaq. Rëndësi ka shëndeti i njerëzve. Ndaj bëj vaksinën, kjo i kërkohet. Dje janë kthyer kokëboshë shqiptarë që morëm përsipër që të hynin në stadiumin kryesor të Italisë. U kthyen pas se ishin pa pasaportë vaksinimi. Kishin marrë nga një letër testi në dorë dhe mendonin se do hynin atje me letër. 80 mijë njerëz dje në stadium kanë hyrë me certifikatë vaksinimi. Kokëboshët shqiptarë një pjesë u kthyen në aeroport dhe një pjesë te hyrja e stadiumit. Kurse këtu shkojnë hyjnë në stadium 22 mijë. Nëse hedhim aq miliardë kërkohen masa të tjera shtesë, që interesi publik mos të sfidohet nga pronarë lokalesh, restorantesh apo pronarë stadiumesh”, tha Braçe.