Flash News

Burgu i Peqinit si Dubai, Artan Hoxha nxjerr videon: Qelia hotel me 7 yje

Antimitingu përballë protestës qytetare, Rama bën ‘naivin’: S’është provokim, nuk mund ta spostonim

SHBA heq kufizimin e hyrjes, Berisha: Ishte vendim i bazuar në lobimin korruptiv të Ramës dhe Soros

Operacioni i SPAK, zbardhen urdhër-arrestet e lëshuara; cilët janë personat e goditur?

SHBA hoqi “non gratën”, Berisha: Mirënjohje administratës Trump, u korrigjua një vendim i padrejtë

Ditari i Maxhorancës

Rama: Një shqiptar është vrarë në Ukrainë, u gjet i veshur ushtarak. Kryeministri pre e një lajmi të rremë?

Politiko 25 Shkurt 2022, 20:14

Rama: Një shqiptar është vrarë në Ukrainë, u gjet

Mes viktimave në Ukrainë është edhe një shqiptar.

Lajmi u tha nga nga kryeministri Edi Rama i cili mbajti një konferencë me gazetarët pas samitit të NATO-s për Ukrainën.

Sipas Ramës, një i ri shqiptar u gjet i vrarë, ndërsa kishte veshje ushtarake.

“Vec një informacioni të fundit që morëm mbi një djalë që ishte vrarë, si person i veshur ushtarak, shqiptar që jetonte në Ukrainë prej shumë vitesh dhe ishte i martuar apo bashkëjetonte me një shtetase ukrainase”, tha Rama.

Vlen për t’u theksuar fakti se paraditen e sotme u përfol në media për një shqiptar të identifikuar si Emanuel Bazanji, 24 vjeç nga Elbasani u vra gjatë luftës në Ukrainë,por ky lajm rezultoi i rremë.

 Gazetari Top Channel Muhamed Veliu bisedoi me të riun dhe e sqaroi se ishte shëndosh e mirë. Nuk dihet nëse Rama është keqinformuar lidhur me këtë lajm që rezultoi i pavërtetë apo bëhet fjalë për një rast tjetër. 

Nga ana tjeter, Ministrja e Jashtme, Olta Xhaçka njoftoi se janë një komunitet shqiptarësh në Ukrainë, ndërsa 11 shqiptarë janë pjesë e OSBE që janë evakuuar.

Ajo tha se ka komunikuar me 5 apo 6 qytetarë të tjerë që jetojnë atje që kanë kërkuar ndihmë, ku theksoi se ambasadat shqiptare janë të gatshme për t’i pritur ata.

“Ka një komunitet shumë të vogël prej 60 shqiptarësh të integruar atje prej shumë vitesh dhe 11 shqiptarë në organizatën e OSBE që janë pjesë e planit të evakuimit. Ata janë të gjithë shëndoshë e mirë dhe do të kthehen në Shqipëri, ndërkohë që pjesa tjetër kemi qenë në kontakt me 5-6 prej tyre që kanë kërkuar asistencë për të lëvizur nga Ukraina dhe u kemi sugjeruar rrugë tokësore dhe ambasadat tona janë të gatshme për t’i pritur dhe jemi në komunikim të vazhdueshme me ta”, tha ministrja.

Të fundit