Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

Emrat e lënë jashtë listave të PS, Kodheli: Shumë prej tyre e kanë merituar që të kandidonin sërish

Politiko 17 Mars 2021, 19:27

Emrat e lënë jashtë listave të PS, Kodheli: Shumë prej

Ish-ministrja e Mbrotjes Mimi Kodheli tregon se nuk ka qenë surprizë për të renditja e 21-ta në listën e PS-së për Qarkun e Tiranës për zgjedhjet e 25 prillit. Duke iu referuar dhe renditjes së Pandeli Majkos apo Fatmir Xhafajt, Kodheli thekson se renditja mund të ndryshojë në fund të procesit zgjedhor për ta, duke u shprehur e bindur se mund të marrë numrin e nevojshëm të votave preferenciale për të qenë sërish deputete.

“Kam bërë një bisedë me kryetarin e partisë dhe kemi diskutuar mbi logjikën mbi përbërjen dhe renditjen e listës. Nuk ka qenë ndonjë surprizë e madhe për mua. Ne mund të thyejmë të famshmin hers apo prag, duke pasur eksperiencën, mbështetjen nga PS dhe njerëz të tjerë, qytetarë që me parti nuk merren kurrë. Besoj se nuk do të ishte e vështirë për ne për ta kapërcyer këtë prag dhe për të dalë nga ai pozicion në pozicione shumë më të larta”, deklaroi Kodheli në Euronews Albania.

Sipas deputetes socialiste, ka shumë pak kohë në dispozicion për t’u shpjeguar qytetarëve mënyrën e votimit dhe i druhet faktit se mund të ketë shumë vota ta pa vlefshme. Kodheli shton se “vota për individin është nul nëse nuk shoqërohet me votë për partinë” ndërsa “nëse votohet vetëm për partinë, atëherë kjo votë është e vlefshme dhe në fund përpjesëtohet për të gjithë kandidatët”. Ajo iu referua rastit të Kosovës ku pas ndryshimit të sistemit zgjedhor pati shumë vota të pavlefshme.

“Rëndësi ka marrja e mbi 10 mijë vota dhe ti ndodhesh në Parlament duke kapërcyer dikë tjetër që nuk ka mundur dot t’i marrë kaq vota. Shqetësimi im i vetëm është se krijohet ideja që jemi shumë vonë për t’ia shpjeguar publikut se si do të votohet. Fakti që nuk ka dalë ende fleta e votimit e bën këtë të vështirë. Besoj se një muaj nuk është i mjaftueshëm për t’i shpjeguar gjithkujt se si duhet votuar. Nuk është e drejt që të jetë kështu duhet që të gjithë të jemi të barabartë para këtij veprimi por nga ana tjetër, mediat të ndihmuar nga kandidatë të mund të shpjegojnë në vijimësi. Ju ftoj që ta bënë këtë që vota të vijë deri në kuti për një forcë politike dhe individ të përkthehet në një votë të drejtë dhe pa gabime”, tha Kodheli.

Për emrat që mungojnë në listën e kandidatëve të PS-së për zgjedhjet e 25 prillit, Mimi Kodheli tha se “ka shumë prej tyre që e kanë merituar që të vazhdojnë të jenë në Parlament”.