“Flasim”/ Rama 'ngacmon' kryebashkiaken e Durrësit: Sa herë të ka thënë burri lëre këtë punë?

Kryeministri Edi Rama ka vendosur të vijë si “gazetar” me podcastin të cilin e ka quajtur “Flasim”.

Rama ka ndarë një video në Facebook ku ka publikuar një pjesë të shkurtër nga podcasti që do të transmetohet të shtunën, ku kryebashkiakja e Durrësit, Emirajna Sako është e ftuara e radhës.

Sako do të flasë për punën e saj, por pa lënë pas edhe detaje nga jeta e saj familjare.

Kreu i qeverisë me batuta i thotë Sakos se sa herë i ka thënë burri që ta lërë këtë punë, por kryebashkiaja thotë se e ka paralajmëruar që para se t’i futej rrugës së politikës.

Sako: Kujtoj nga ju frazën, merr një krevat dhe fli në bashki tani.

Rama: Ju edhe ballë për ballë kur jeni me mua nuk i thoni gjërat siç i mendoni të gjitha

Sako: Atje duhej të merrja nja tre mjete që të shkoja në punë.

Rama: Sa herë të ka thënë burri po ca merresh me këtë punë, po lërë fare?

Sako: Para se të thoja po, i kam thënë shiko po të pyes që mos të më thuash pastaj po i lë kalamajtë rrugëve

Rama: Për një fëmijë t’i bëre dy.

Sako: Tomas dhe Greg, binjakë, identik të dy.

Kujtojmë që dhe kryedemokrati Sali Berisha ka sfiduar kreun e qeverisë, Edi Rama, duke e fuar kryeministrin në podcastin e tij.

“Mora vesh se edhe Edi Rama do ketë podcast. Si gjithmonë disa hapa pas meje, por ju e dini se unë kam një pasion të veçantë për teknologjinë dhe risitë e saj.

Meqë Rama paska thënë se është gati që të debatojë edhe me kundërshtarin politik, një ftesë që unë ja kam bërë prej kohësh në studiot televizive, ia përsëris tani publikisht, që ta bëjmë debatin të cilit ai i shmanget. Ku të dojë ai, në podcast-in tim apo të tijin.”, shkruan Berisha mes të tjerash.