Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

Komisioni hetimor për McGonigal? Bushka: Pa ndryshuar ligji, çdo komision do jetë një show

Politiko 10 Mars 2023, 22:22

Komisioni hetimor për McGonigal? Bushka: Pa ndryshuar ligji, çdo

Deputetja e PS, njëherësh kryetarja e komisionit të ligjeve Klotilda Bushka thotë se pa ndryshime ligjore çdo komision hetimor do të mbetet një mekanizëm që palët e përdorin për debat politik dhe nuk i shërben interesit publik.

Në një intervistë në A2 CNN, Bushka thotë se grupi është ngritur prej një muaji por nuk është plotësuar me anëtarë të opozitës.

“Vlerësuam që kemi nevojë për ndryshimin e ligjeve për çështjet hetimore u tha që do të duhej të krijonim një grup pune për adresimin e ndryshimeve ligjore për komisionet hetimore. ai grup është ngritur por nuk është plotësuar me anëtarë të opozitës. Ka më shumë se një muaj që është ngritur. Kom hetimore është mirë t’i bëjmë edhe me bazën e re ligjore. Qëndrimi ynë ka qenë i njëjtë që duhet ndryshuar ligji, pastaj të ngrihet komisioni hetimor. Nuk u vendos, por thjesht u tha”.

Bushka u shpreh se ligji për komisionet hetimore në Shqipëri është i vjetër dhe nuk është realist.

“Është ligji më i vjetër që kemi. Ne ende themi byroja e kuvendit, kur nuk kemi më byro. Jemi në shtrat ligjor që nuk është më realist”.

Nga ana tjetër, ajo thekson se janë konstatuar firma të kolegëve të opozitës që kanë kërkuar ngritjen e komisionit hetimor për çështjen Mc Gonigal, që dyshohet se nuk janë të vërteta

“Dhe ky është një kriter formal juridik, se një firmë e vë në lëvizje kuvendin. Kjo situatë do të duhet të verifikohet në komisionin e etikës dhe kemi vendosur të thërresim kolegët të pyeten për qëndrimin që kanë dhe do të bëjmë një ekspertim grafik”.

Nëse vërtetohen firmat e deputetëve të opozitës, Bushka tha se diskutimi për këtë çështje do të vazhdojë atje ku është lënë, por ajo i mëshon qëndrimit të ndryshimeve ligjore, pasi sipas saj këto komisione kanë dështuar të zbatojnë rregullat.

“Pa ndryshimet ligjore, çdo komision hetimor do të ngelet një mekanizëm që palët e përdorin për debat politik dhe nuk i shërben interesit publik. Ne komisionet hetimore ne kemi dështuar ët zbatojmë rregullat e kom hetimore siç i bën gjithë bota. Ne bëjmë një gjyq publik. Kushtetuta i parashikon këto mekanizma që duhet të zbatojnë parimet e ndarjes e balancimit të pushteteve nuk mundet kuvendi të kthehet në hetuesi. Nuk ndodh në asnjë vend të botës kjo që ndodh në Shqipëri. Por kur flet në një kom hetimor parlamentar duhet të jesh i kujdesshëm ku është caku. Pa u bërë një ligj i ri, çdo komision do jetë një shoë. Dhe ky është mendimi im personal”.