Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

Lista e PS / Emrat e rëndësishëm që janë në “zonën e ftohtë” dhe ata që u “dogjën fare”

Politiko 9 Mars 2021, 13:57

Lista e PS / Emrat e rëndësishëm që janë në

Partia Socialiste, pak para mesnatës së djeshme, depozitoi në KQZ listët e kandidatëve për deputet pas miratimit në Kryesinë e PS-së, në të cilën debatet qenë me tone të ashpra, sipas burimeve pran selisë rozë. Debat u shkaktuan për shkak se shumë figura të rëndësishmë të PS-së e panë veten e tyre jashtë liste apo të renditur në pozicione jofituese.

Befasitë më të mëdha me renditje ishin te lista e Qarkut të Tiranës. Pandeli Majko i 19-ti, Mimi Kodheli e 21-ta, Fatmir Xhafaj i 23-ti. Të tre këta janë kontribues të rëndësishëm në Partinë Socialiste dhe për zgjedhjet e 25 prillit janë renditur në një pozicion ku nuk e kanë të sigurt marrjen e mandatit të deputetit. Befasi mund të quhet dhe renditja e ish-kreut të FRESSH, Eljo Hysko i cili është i 32-ti në listë dhe marrja e mandatit në bazë të renditjes është e pamundur. Po ashtu edhe Spartak Braho, i cili është aktualisht deputet i PS-së është renditur i 28-të dhe me shumë mundësi nuk do e shohim më në Kuvend pas 25 prillit.

Befasia tjetër është te Qarku i Vlorës, atje ku deputeti Alket Hyseni është renditur i 11-ti. Në zgjedhjet e kaluara PS-ja arriti te marrë 8 mandate në këtë Qark nga 12 në total dhe Alket Hyseni ishte i renditur i treti.

Befasitë nuk munguan as te të lënit jashtë liste. Janë plot 24 deputetë të PS-së që nuk do të rikandidojnë më 25 Prill. Më kryesori është ish-ministri i Drejtësisë, Ditmir Bushati, që duket si një hakmarrje e kryeministrit Rama pas përplasjeve të herëpashershme me të. Debati mes të dyve nuk mungoi as ditën e djeshme te mbledhja e Kryesisë së PS-së. Emrat e deputetëve të tjerë që mbetën jashtë liste janë dhe: Anastas Angjeli, Elona Gjebrea, Sadri Abazi, Vasilika Hysi, Musa Ulqini, Eglantina Gjermeni, Besnik Baraj, Sadi Vorpsi, Senida Mesi, Adnor Shameti, Luan Harusha, Adriana Jaku, Almira Xhembulla, Rolant Xheliaj, Arben Kamami, Adelina Rista, Ismet Beqiraj, Anduel Xhindi, Xhavit Bushaj, Edmond Leka, Fatmir Velaj, Andrea Marto dhe Vilma Bello.

Kreu i PS-së, Edi Rama në lista të sigurta duke se ka lënë të besuarit e tij, por edhe afrimet e reja nga LSI-ja si Nasip Naço, Lefter Koka dhe tre figurat e njohura publike: Luljeta Bozo, Najada Çomo dhe Petrit Malaj. Pjesë e listës së PS-së edhe psë në zona jo të sigurta janë bërë dhe disa deputetë të asaj që konsiderohej si “opozita e re”.