Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

Masat për përmbytjet, Peleshi me kryebashkiakët: Mbi 20 mln dollarë mbështetje për Emergjencat Civile

Politiko 3 Nëntor 2021, 09:41

Masat për përmbytjet, Peleshi me kryebashkiakët: Mbi 20 mln

Ministri i Mbrojtjes Niko Peleshi bashke me Drejtorin e Agjencisë së Mbrojtjes Civile Haki Çako ka zhvilluar një takime drejtuesit e pushtetit vendor në kuadër të masave që do të merren në prag të sezonit të dimrit.

Peleshi nënvizoi se Shqipëria ka hyrë në zonën e riskut të lartë sa i përket sasisë së reshjeve të shiut, duke theksuar se duhet të ketë bashkëpunim me instancat për koordinuar punën dhe reduktuar riskun.

“Ne tani jemi në sezon dhe do përqendrohemi më tepër te menaxhimi i pasojave, sepse nuk është se kemi kohë sot të flasim për shkakun, për parandalimin e përmbytjeve, por gjithsesi investimet edhe puna e përbashkët për të reduktuar riskun më afatgjatë përmes investimeve dhe punës së koordinuar duhet të jetë një paralele që duhet të na shoqërojë vazhdimisht. Sistemi i ringritur ose i rishikuar sot për sot është një Agjenci Kombëtare e Mbrojtjes Civile, e cila funksionon nën varësinë e Ministrisë së Mbrojtjes që është autoriteti që koordinon të gjitha forcat, të gjitha institucionet që kanë një rol për të luajtur në përballimin e emergjencave”, u shpreh Peleshi.

Ministri i Mbrojtjes kërkoi nga kryebashkiakët e vendit më shumë koordinim me autoritetet qendrore, duke vënë në dukje se duhet të reagojnë menjëherë ndaj fatkeqësive natyrore ose në rast se situata me reshjet precipiton.

“Ajo që nuk duhet të ndodhë në të ardhmen është që një bashki e caktuar duke menduar që sado të agravohet një emergjencë do të vinë ata të emergjencës së Tiranës, do futet ushtria e do ta zgjidhë punën dhe të flejë gjumë, kjo nuk na bën mirë as juve jo e jo që jeni përgjegjës për të kontrolluar dhe mbrojtur komunitetet tuaja, por edhe ne pastaj na bëhet shumë e vështirë të neutralizojmë një emergjencë. Duhet të kemi një reagim të hershëm, duke vënë funksion edhe komunitetin, i cili duhet të ndërgjegjësohet për të lajmëruar në mënyrë që të parandalojmë sa më shpejt emergjencën, në rast se kjo nuk ndodh pastaj përmasa mund të jetë aq e madhe saqë edhe gjithë FA, të gjitha mjetet tona apo të institucioneve të tjera mund të mos mjaftojnë”, u shpreh Peleshi.

Emergjencat Civile do të përfitojnë një mbështetje financiare prej më shumë se 20 milionë dollarë. Peleshi shtoi edhe fondin prej 800 milionë dollarësh që dot jepet për investimet në fushën e mbrojtjes dhe parandalimit të Emergjencave Civile.

“Ne kemi këtë vit rreth 2,1 miliardë pra më shumë se 20 milionë dollarë buxhet për EC, e cila do të ndahet pak a shumë në mes, pra 1,1 miliardë do të thotë 11 mln dollarë do të jetë si transfertë e kushtëzuar për bashkitë, 600 mln do të transferohen në buxhetet tuaja nga Ministria e Financave përmes Ministrisë së Mbrojtjes”, tha ministri Peleshi.

Masat për përmbytjet, Peleshi me kryebashkiakët: Mbi 20 mln