Ministrja Xhaçka video-konferencë me ambasadorët e BE: Shqipëria i ka përmbushur të gjitha kushtet!

Ministrja e Mbrojtjes, Olta Xhaçka ka zhvilluar një video-konferencë me ambasadorët e vendeve të BE për të folur për negociatat dhe uljen në Konferencën e Parë Ndërqeveritare gjatë 2021.

Përmes një postimi në Facebook, ministrja falenderon amabasadorin Soreca për organizimin e mbledhjes, dhe shkruan se ky vit është vendimtar për të ardhmen europiane të Shqipërisë.

Më tej, Xhaçka shkruan se Shqipëria ka përmbushur të gjitha kushtet e kërkuara, dhe tashmë pritet një kompromis për caktimin e datës për t’u ulur në Konferencën e 2021.

Statusi i plotë:

Zhvillova një video- konferencë me ambasadorët e vendeve anëtare të BE-së. Mirënjohje ndaj Amasadorit Soreca për punën e tij të mirë dhe për organizimin e mbledhjes, ku shkëmbyem pikëpamjet tona rreth këtij viti vendimtar për të ardhmen evropiane të Shqipërise. Falënderova ambasadorët për gatishmërinë dhe vullnetin e tyre të mirë për një bashkëpunim të frytshëm.

E ardhmja e Ballkanit Perëndimor është anëtarësimi në BE. Shqipëria i ka përmbushur të gjitha kushtet. Mbetemi optimistë që BE do t’i qëndrojë fjalës së saj duke arritur në një kompromis për kornizën negociuese dhe duke caktuar një datë për Konferencën e Parë Ndërqeveritare gjatë 2021.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm