Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

Mocioni për mandatin e Xhaçkës: Shoqëria e bashkëshortit të saj u krijua 4 ditë pas ligjit, përfitoi tokë për 30 vite

Politiko 1 Korrik 2022, 13:19

Mocioni për mandatin e Xhaçkës: Shoqëria e

Këshilli për Mandatet është duke shqyrtuar kërkesën e demokratëve për shkarkimin e ministres Olta Xhaçka, me argumentin se ministrja ka shkelur Kushtetutën duke përftuar të ardhura nga statusi i investitorit strategjik të cilin e përfitoi bashkëshorti i ministres.

Në mocionin e dorëzuar nga deputetët demokratë, vlerësohet se shoqëria e bashkëshortit të Olta Xhaçkës AG. TÇ shpk, është krijuar vetëm 4 ditë pasi ka hyrë në fuqi ligji për investimet strategjike.

Sipas mocionit të dorëzuar nga demokrat, shoqëria në fjalë nën administrimin e Artan Gaçit, përfiton lehtësira për ndërtimin e një hoteli me 5 yje

Pjesë nga akuzat e PD në një sipërfaqe zhvillimi prej 10,592 m dhe me vlerë rreth 5.5 milion euro, në Gjilekë, Bashkia Himarë.

“Ligji për investimet strategjike është miratuar më 28 Maj të vitit 2015 dhe ka hyrë në fuqi me datë 17 Tetor të vitit 2015.

Menjëherë pas hyrjes në fuqi të ligjit, konkretisht më datë 21 tetor 2015, është krijuar shoqëria tregtare AG. TÇ shpk, me objekt veprimtarie investime në hoteleri-turizëm. Kjo kompani e krijuar vetëm 4 ditë pas hyrjes në fuqi të ligjit për investimet strategjike, rezulton se është në pronësi të z. Artan Gaçi, i cili është administrator dhe ortaku i vetëm i kësaj shoqërie’. z. Artan Gaçi rezulton se është bashkëshorti i deputetes së Partisë Socialiste dhe Ministres për Europën dhe Punët e Jashtme znj. Olta Xhacka.

Kompania e krijuar menjëherë pas miratimit të ligjit për investimet strategjike AG. TÇ shpk në pronësi të bashkëshortit të ministres dhe deputetes znj. Olta Xhacka, me vendimin nr. 3/5, date 29/03/2021 “Për miratimin e statusit “investim/investitor strategjik procedurë e asistuar për projektin e investimit “DREAMADES LUXURY SUITES”, me subjekt “AG.TÇ” sh.p.k, me NUIS L52227046H” të Komitetit të Investimeve Strategjike, ka përfituar statusin e investitorit strategjik për ndërtimin e një hoteli disa katësh me 5 yje në një sipërfaqe zhvillimi prej 10,592 m dhe me vlerë rreth 5.5 milion euro, në Gjilekë, Bashkia Himarë. Ndër të tjera vendimi i Komiteti te Investimeve Strategjike parashikon masat lehtësuese që përfiton kompania në pronësi të bashkëshortit të Ministre dhe deputetes znj. Olta Xhacka.

Në përputhje Vendimin e KIS nr. 3/5 date 29.03.2021, shoqëria në pronësi të bashkëshortit ministres dhe deputetes znj. Olta Xhacka ka përfituar masën mbështetëse të lejimit të përdorimit të bregut para hotelit për një periudhë 30 vjeçare. Sipas vendimit, shoqëria investuese lejohet që zonën e bregdetit ta përdorë ekskluzivisht për zhvillimin e veprimtarisë turistike në shërbim Hotelit që po zhvillohet dhe, për këtë qëllim, në këtë zonë planifikohet të instalohen disa stacione plazhi, ku synohet të ofrohet shërbim i cilësisë së lartë”, thuhet në kërkesën e demokratëve.

Mocioni për mandatin e Xhaçkës: Shoqëria e