Ditari i Maxhorancës

Ndryshon fasha e taksës progresive, Anila Denaj: Përfitojnë 10 mijë persona nga shtresa e mesme

Ndryshon fasha e taksës progresive, Anila Denaj: Përfitojnë 10

Një ndër premtimet e kryeministrit Edi Rama para zgjedhjeve të 25 prillit ishte ndërhyrja në taksën progresive. E thënë ndryshe, në taksimin e pagave.

Taksa progresive që është sot në fuqi parashikon 0 taksim për pagat deri në 30 000 lekë; 13% taksë për pagat nga 30 000 në 150 000 lekë dhe 23% taksë për pagat mbi 150 000 lekë. Ajo që premtohet nga socialistët është që 0% taksë të ketë për pagat deri në 40 000 lekë, për pagat nga 40 000 deri në 250 000 taksa të bëhet 13% dhe për pagat mbi 250 000 lekë të aplikohet taksimi 23%. 

Ministrja e Financave dhe Ekonomisë, Anila Denaj tregon se shtresa e mesme me zgjerimin e dytë të fashës, përfitojnë edhe 10 000 të punësuar të tjerë.

“Shqiptarët votuan përsëri për taksën progresive. Ka një zgjerim fashe që nuk ndodh për herë të parë. Është një zgjerim fashe për të ndihmuar një pjesë të personave të punësuar në atë që quhet shtresa e mesme. Ne i kemi qëndruar besnik asaj që kush merr më shumë, paguan më shumë taksë. 63% e shqiptarëve e kanë taksimin 0 dhe kështu do e kenë sërish. Shtresa e mesme, me zgjerimin e dytë të fashës, përfitojnë edhe 10 000 të punësuar të tjerë, që do të kenë më shumë të ardhura nga ulja e taksimit të qeverisë” tha Denaj në A2

Të fundit