Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

Nga plani kundër trafikut të qënieve njerëzore dhe vullnetarizmi te shpronësimet, vendimet që mori sot qeveria

Politiko 10 Nëntor 2021, 10:38

Nga plani kundër trafikut të qënieve njerëzore dhe

Këshilli i Ministave u mblodh si çdo të mërkurë për të marrë vendimet e radhës, që u prezantuan për mediat nga vetë drejtuesit e këtyre institucioneve.

Ministrja e Infrastrukturës dhe Energjisë, Belinda Balluku bëri me dije se u miratuan tre akte që lidhen me shpronësimet. Bëhet fjalë për projekte në Vlorë, Patos dhe Rogozhinë.

"Në mbledhjen e Këshillit të Ministrave, ministria e Infrastrukturës dhe Energjisë kaloi te akte, të cilat janë të lidhura me shpronësimet në bypass-in e Vlorës për të vazhduar punën dhe për ta përfunduar deri në verën e vitit 2022, në Patos për të vazhduar me rivitalizimin e qëndrave të qyteteve dhe një shpronësim në zonën e Roskovecit që lidhet me ujësjellsat", tha Balluku.

Ndërsa ministrja e Shtetit për Rininë, Bora Muzhaqi bëri me dije se u miratuan dy vendime, që parashikojnë se si të rinjët të bëhen pjesë e administratës shtetërore. Për të vijuar këtë nismë, ajo tha se do të ngrihen qëndrat e ekselencës.

"Kemi miratuar dy vendime për t'i përfshirë të rinjtë si pjesë të administratës. Pjesa e parë do të jetë për studentët ekselentë. Nga ana tjetër duhet të theksohet se kjo nuk është një nismë e përkohshme. Për ta vijuar do të ngrejmë qëndrat e ekselencës", u shpreh Muzhaqi.

Ministri i Brendshëm Bledi Çuçi njoftoi miratimin e planit të veprimit kundër trafikut të qënieve njerëzore. Ai shtoi se plani është hartuar në bashkëpunim dhe parashikon veprimin e shumë institucioneve.

"Sot miratuam planin e veprimit antitrafik të personave si një pjesë e strategjisë kundër krimit të organizuar. Plani përmban veprime të shumë institucioneve shtetëore, por jo vetëm. Besoj se do të ketë një adresim shumë konkret. Është pjesë e një strategjie 5-vjeçare dhe është përgatitur nga shumë institucioneve me ndihmën e partnerëve", tha Çuçi.

Ndërkohë ministri i Mbrojtjes Niko Peleshi prezantoi dy projekt-vendimet që u miratuan në Këshillin e Ministave dhe që lidhen me përditësimin e listës së artikujve dhe teknologjive me përdorim të dyfishtë si dhe nxitjen e vullnetarizmit.

"Dy projekt-vendime të Ministrisë së Mbrojtjes u miratuan sot në mbledhje. I pari ka të bëjë me përditësimin e listës së artikujve dhe teknologjive me përdorim të dyfishtë. Ky është detyrim i BE-së, por rrit dhe sigurinë.

Projekt-vendimi i dytë që tashmë është vendim synon të nxisë vullnetarizmin. Të gjithë e dimë që pas '90 nuk ka pasur ditë të mira, por sot jemi krenarë për dhjetra, qindra vullnetarë që na bashkohen", deklaroi ministri.