Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

Nga vetingu për noterët te kalimi i përgjegjësisë në pushtetin vendor për mbrojtjen e faunës, vendimet e reja të qeverisë

Politiko 3 Nëntor 2021, 13:45

Nga vetingu për noterët te kalimi i përgjegjësisë

Ditën e sotme u mblodh Këshilli i Ministrave, të cilët miratuan disa vendime që i prezantuan përmes deklaratave për mediat nga kryeministria. Ministrja e Mjedisit dhe Turizmit Mirela Kumbaro bëri me dije se me vendimin e miratuar sot nga qeveria, janë bashkitë përgjegjëse për menaxhimin e ekosistemeve dhe faunës së egër. Më pas planet e punës se bashkive do të miratohen nga ministria, shtoi ajo.

"Vendim që ka të bëjë me mjedisin, për faunën e egër. Një pjesë nuk janë brenda zonave të mbrojtura, por të shpërndara në të gjithë territorin. Me vendimin e sotëm përveçse përcaktojmë kriteret qartë se si mund të përkufizohen ekosistemet si dhe përfshijmë bashkitë. Tani nuk mund të jenë pasive dhe të mendojnë se është një çështje që i takon Ministrisë së Mjedisit apo shoqatave. Janë bashkitë që kanë detyrën parësore të identifikimit të ekosistemeve dhe hartimit të planeve që miratohen më tej nga ministria", tha Kumbaro.

Ndërsa ministrja e Shëndetësisë Ogerta Manastirliu njoftoi se bashkëpunimi me Turqinë për spitalin Memorial të Fierit do të vazhdojë. Ajo tha se stafi mjekësor turk do të qëndrojë dhe për 3 vite të tjera.

"Ky akt, i cili ne kemi miratuar sot i hap rrugën një bashkëveprimi 3-vjeçar me stafet e përbashkëta, të cilat tashmë kanë filluar të funksionojnë në këtë model të ri të menaxhimit të Spitalit Memorial në Fier. Është një spital, i cili, ashtu sikurse dhe parashikohet në një periudhë 3-vjeçare, do të administrohet nga ta dy palët”, bëri me dije Manastirliu.

Ajo tha se është miratuar edhe Agjenda Kombëtare për të Drejtat e Fëmijëve, për të cilin Manastirliu tha se synohet mbrojtja e fëmijëve.

“Miratimi i një dokumenti shumë të rëndësishëm politik, një dokument i cili ka të bëjë me Agjendën Kombëtarë për të Drejtat e Fëmijëve për vitet 2021-2026, që synon të harmonizojë dhe koordinojë të gjitha politikat për mbrojtjen e të drejtave të fëmijëve në të gjithë sektorët dhe gjtihashtu synon që të koordinojë veprime të përbashkëta me të gjithë strukturat shtetësore, por edhe ato të organizatave të shoqërisë civile që synojnë mbrojtjen e interesave më të larta të fëmijëve tanë”, shtoi ajo.

Ndërsa ministri për Drejtësinë Ulsi Manja bëri me dije se është gati projektligji që parashikon veting për noterët. Ai bëri me dije se do të jetë Ministria e Drejtësisë që do të kalojë në "filter" noterët.

"Sapo kaluam në qeveri disa shtesa dhe ndryshime ligjin për noterinë. Ky projektligj ka për qëllim forcimin e integritetit të noterit dhe besueshmërinë e publikut te ky shërbim. Projektligji i ri përcakton të njëjtën procedurë dhe të njëjtën kritere për heqje licencë të njëjtat si për prokurorë dhe gjyqtarë. Ky ligji forcon integritetin e noterit.

Është veting për sistemin noterial në Shqipëri. Ligji për noterinë që është i vitit 2018 ka përcaktuar dhe mekanizmat e filtrimit. Është Ministria e Drejtësisë që përmes inspektimeve të planifikuara dhe hetimeve proaktive do ta bëjë filtrimin e këtij sistemi. Është një sistem i deleguar, por që përgjegjëse për këtë hetim është Ministria e Drejtësisë", tha Manja.