Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

"Nuk jam dakord"/ Rama kundërshton dy nga pikat e progres-raportit të KE, cilat kritika s'pranon

Politiko 20 Tetor 2021, 10:29

"Nuk jam dakord"/ Rama kundërshton dy nga pikat e

Një ditë më parë u prezantua progres-raporti për Shqipërinë, ku jepeshin konkluzionet e ecurisë së Shqipërisë në rrugën e integrimit europian. Raporti përmbante dhe kritika që lidheshin me mënyrën e administrimit të zgjedhjeve të 25 prillit dhe lirinë e medias në Shqipëri.

Në daljen për media, ku komentoi gjetjet e raportit, kryeministri Edi Rama mirëpriti rezultatet pozitive, por kundërshtoi kritikat. Ai shprehu mosdakordësinë dhe kundërshtoi shqetësimet e ngritura në raport.

Sipas raportit të Komisionit Europian, shqetësim vazhdon të mbetet përdorimi i funksioneve publike për fushatë zgjedhore, blerja e votës dhe patronazhistët. Ndërkohë Rama tha se ndihet krenar për patronazhistët, duke shtuar se falë tyre PD doli forcë e pathyeshme dhe jo një foltore.

"Unë jo jam krenar për patronazhistët, por jam edhe më krenar pasi pa ta nuk do të ishim një forcë e pathyeshme, por do të ishim një foltore. Raporti flet për pretendime që po hetohen. Ne nuk kemi pasur në bazën tonë të të dhënave numrin e kartës pasi nuk na duhen por këto çështje le të hetohen deri në fund nuk ka problem", tha Rama.

Ky i fundit kundërshtoi dhe kritikën tjetër që lidhet me lirinë e medias. Në raport evidentoheshin sulmet verbale, fushatat e shpifjes dhe kërcënimeve ndaj gazetarëve. Sipas Ramës, kjo nuk është e vërtetë. Ai shtoi se niveli i shpifjes në Shqipëri është më i lartë se në çdo vend tjetër të botës. Gjithashtu tha se vendi ynë është i vetmi, ku mund të thuash ç'të duash dhe "s'të hyn gjemb në këmbë".

"Unë nuk jam dakord me atë që thotë raporti që liria e mediat është në pikëpyetje. Nëse ka një vend ku mund të thuash çfarë të duash dhe s'të hyn gjemb në këmbë është Shqipëria.

Këtë 'ant-ishpifjen' ne nuk e kemi çuar përpara, se kuptoj pse shfaqet si problem. Liria e shpifjes këtu është në nivelet më të larta të mundshme. A është kjo liri e medias? Për mua jo, por do të adaptohemi", tha Rama.

Lidhur me shqetësimin e organizatave për krijimin e Agjencisë për Media dhe Informim, kryeministri u shpreh se ka një keqkuptim. Gjithashtu shtoi se nëse ka një problem që qëndron në të vërtetë, ai do e shkrijë Agjencinë.

"A e dini ju çfarë është Agjencia? Modestisht mendoj se nuk e keni idenë se për çfarë flisni kur ngrini këtë shqetësim. Është një mekanizëm për të garantuar transparencën maksimale në raport me ju. Nëse ju hasni një problem në një institucion dhe të merrni informacionin e duhur t'i drejtoheni këtij institucioni dhe ai t'ju ndihmojë. Mbasi ju të sillni një fakt, një shembull, një arsye që bën sens Agjencia do të shkrihet", tha Rama.

Ky i fundit zhvilloi mëngjesin e sortëm një konferencë të përbashkët me ambasadorin e BE-së Luigi Soreca, ku komentoi gjetjet e progres-raportit të Komisionit Europian.

Ai tha se Shqipëria i ka përmbushur kushtet e anëtarësimit, duke shtuar se BE nuk po jep rezultat për shkak të politikave të shteteve anëtare. Sa i përket propozimeve të PD për ndryshimet kushtetuese, ai nuk i komentoi, por shprehu gatishmërinë e dialogut dhe ballafaqimit të ideve.