Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

Pagë çdo muaj për naftëtarët e Ballshit, miratohet krijimi i Komisionit të Posaçëm për fëmijët e dëshmorëve

Politiko 2 Shkurt 2022, 13:11

Pagë çdo muaj për naftëtarët e Ballshit, miratohet

Qeveria ka miratuar sot vendimin për të shpërblyer me një pagë minimale çdo muaj gjatë vitit 2022, naftëtarët dhe ish-naftëtarët e Ballshit.

Ministrja e Ekonomisë dhe Financave, Delina Ibrahimaj, tha se punonjësit dhe ish-punonjësit duhet t’i drejtohen zyrave të punës për të dorëzuar dokumentacionin përkatës për të përfituar ndihmën.

“Miratuam një vendim shumë të rëndësishëm, që ka të bëjë me mbështetjen sociale për punonjësit dhe ish-punonjësit e Rafinerisë së Ballshit. Do të ketë një pagesë, të barabartë me pagën minimale, përfshirë dhe kontributet shoqërore e shëndetësore, që do u jepet ish-punonjësve të Rafinerisë së Ballshit. Ftoj të gjithë punonjësit dhe ish-punonjësit e kësaj rafinerie që t’i drejtohen zyrave të punës, me qëllim dërgimin e dokumentacionit, për të përfituar këtë ndihmë, që do të jepet në bazë mujore përgjatë vitit 2022”, tha ministrja e Financave pas mbledhjes së Këshillit të Ministrave.

Një komision qendror do të ngrihet për fëmijët të cilët kanë humbur njërin prind në krye të detyrës, për t’iu garantuar mbështetje sociale, arsimin dhe përkujdesje edhe në aspekte të tjera. Këtë deklaroi ministrja e Shëndetësisë Ogerta Manastirliu.

“Dy projektvendime të cilat janë miratuar. Një ka lidhje me krijimin e Komisionit të Posaçëm që lidhet me ligjin e miratuar për përkujdesjen e fëmijëve të cilët kanë humbur prindin e tyre për arsye të vetsakrifikimit të jetës. Për ta jetësuar këtë ligj do të ngrihet një komision qendror, që të fillojë punë për procedurat në zbatim të këtij ligji. Është një ligj që mbështet fëmijët në shumë dimensione. U siguron fëmijëve mbështetje sociale, arsimim dhe përkujdes në të gjitha aspektet. Për sa i përket vendimit të dytë ka të bëjë me shtirjen e reformës për të mbështetur personat më aftësi ndryshe. E kemi shtrirë reformës sipas Organizatës. Ky vendim i ri bën të mundur që të ngrihen komisione multidisiplenare. I jep një efikasitet skemës së mbështetjes së personave me aftësi ndryshe”, tha ministrja Manastirliu.

Sa i përket pandemisë, ministrja tha se është ende herët për të lehtësuar masat kufizuese, ndërsa shtoi se Komisioni i Ekspertëve do të rishikojë mundësinë për kryerjen e dozës së tretë më parë se 6 mujori.

“Situata e vaksinimit po ecën me ritme të qëndrueshme. Sa i përket vaksinimit të popullatës +16 vjeç kemi arritur një 56% me dy doza. Sa i takon dozës përforcuese ka dhënë shumë garanci për uljen e shtrimeve dhe rasteve të rënda. Komiteti po rishikon bërjen e dozës përforcuese para afatit 6-mujor. Po rishikohet edhe afati i karantinës për shkak të klinikës ndryshe të Omicron”, sqaroi Manastirliu.