Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

Peleshi ndërron mendje për helikopterët e zjarreve: Kemi marrë kredi për t’i blerë

Politiko 19 Dhjetor 2022, 13:48

Peleshi ndërron mendje për helikopterët e zjarreve: Kemi

Zjarret janë një problem i çdo viti për vendin, edhe për shkak të kapacitetit të mjeteve dhe llojit të tyre për të ndihmuar Emergjencat Civile në neutralizimin e vatrave të zjarrit.

Qeveria ka vendosur që të pajiset me dy mjete ajrore për shuarjen e zjarreve të cilat do të sigurohen përmes huasë që Shqipëria ka marrë nga Italia.

“U miratua projekt vendimi mes Italisë dhe Shqipërisë për ngritjen e sistemit të mbrojtjes civile. Italia është angazhuar për të mbështetur mbrojtjen civile në formë huaje 30 milion euro. U miratua sot me VKM. Dhe do të bëhet aktive. Kredia është për mbështetjen e mbrojtjes civile. Do ndërtohet një qendër e mbrojtjesh civile. Më pas në të gjitha prefekturat 12 prej tyre dhe do ndërtohen salla operacionale të lidhura në rrjet.

Tek 4 qendrat e mbrojtës civile, do ketë struktura të Kërkim Shpëtimit, do kemi edhe trajnimin e tyre. Do kenë të gjitha pajisjet për fatkeqësitë natyrore. Për Zjarrfikësit parashikohet të blihen automjete dhe pajisje. Pjesë e kredisë do të jenë edhe blerja e mjeteve ajrore për zjarret gjatë verës. Pra do shtojmë dy mjete ajrore që nuk i kemi pasur. Do ketë edhe një kamp trajnimi për zjarrfikësit. Ky kamp do jetë e pajisur me laboratorë të ndryshëm”, deklaroi Peleshi.

Mirëpo në qershor të këtij viti, Peleshi kishte tjetër mendim për blerjen e helikopterëve që ndihmojnë në shuarjen e zjarreve. Gjatë një raportimi për Komisionin e Sigurisë Kombëtare, Peleshi u shpreh se nuk e sheh me leverdi për Shqipërinë blerjen.

Sipas tij, edhe nëse Shqipëria do të kishte gjendje 50 milionë euro nuk do të investonin për shkak të kostove.

“Mendoj se një vend i vogël si Shqipëria s’ka leverdi që të investojë për një helikopter për shuarjen e zjarreve. Jemi një vend i vogël dhe s’ja vlen që të kemi një avion tonin. Edhe nëse i kemi 50 mln euro s’mund t’i investojmë atje për ta përdorur një muaj, shtuar dhe kostot e mirëmbajtjes, që janë të mëdha. S’ka kompani që bëjnë mirëmbajtjen e avionëve, është treg i vogël”, u shpreh Peleshi.

Por kujtojmë se për shuarjen e flakëve në ishullin e Sazanit disa javë më parë, ushtrisë sonë nuk i mjaftuan kapacitetet, por u kërkua ndërhyrja e një helikopteri nga Greqia çka bëri të mundur neutralizimin e flakëve.

Të fundit