Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

Pezullimi i vizave nga SHBA, Rama flet për 'dezinformim dhe çoroditje'

Politiko 18 Janar 2026, 10:07

Pezullimi i vizave nga SHBA, Rama flet për 'dezinformim dhe

Kryeministri Edi Rama ka reaguar për herë të parë pas raportimeve se Shtetet e Bashkuara kanë ngrirë vizat për Shqipërinë, duke mohuar kategorikisht një vendim të tillë dhe duke akuzuar kritikët për dezinformim dhe manipulim të opinionit publik.

Në një deklaratë publike, Rama u shpreh se SHBA nuk kanë ndaluar vizat për Shqipërinë, por sipas tij bëhet fjalë për një pezullim të përkohshëm të lejeve të punës për 75 vende të botës, përfshirë edhe disa vende të Ballkanit, mes tyre Shqipëria dhe Kosova.

Megjithatë, në vend që të sqarojë me transparencë ndikimin konkret që ky vendim ka për qytetarët shqiptarë, Kryeministri zgjodhi një ton përçarës, duke sulmuar ata që ai i quajti “të hedhur përpjetë”, të cilët sipas tij po përhapin panik dhe çoroditje në publik.

Rama: Dhe në fund, për kripë, jo për ëmbëlsirë, dua të them dy fjalë për ata që u hodhën përpjetë, ose më saktë, për ata që jetojnë të hedhur përpjetë dhe që, në përpjetësinë e tyre, i shtuan hedhjeve edhe një hedhje të radhës dhe të së njëjtës natyrë: dezinformim, çoroditje e opinionit publik, helmim i të gjithë atyre që kanë akoma fuqinë t’i dëgjojnë, duke thënë që Amerika i ndaloi vizat për Shqipërinë.

Kjo është e pavërtetë! Shtetet e Bashkuara të Amerikës nuk kanë ndaluar vizat për Shqipërinë.

Shtetet e Bashkuara të Amerikës, administrata aktuale, nën orientimin e qartë prej kohësh të Presidentit Trump për politikën e re lidhur me emigracionin, ka vendosur që për 75 vende të botës, ndër të cilat edhe disa vende të Ballkanit, ku përfshihet edhe Kosova, të bëhet një pezullim i përkohshëm për sa i përket lejeve të punës në Shtetet e Bashkuara, jo vizave për në Amerikë, por lejeve të qëndrimit në Amerikë për punë, pasi për këtë kategori vendesh kanë vënë re fenomenin e marrjes së vizës për turizëm, marrjes së vizës për biznes dhe më pas të mosrespektimit të afateve, por të qëndrimit atje për të filluar një punë, dhe kjo është diçka që shkon në linjën krejt normale të politikës së re të Presidentit Trump dhe që nuk ka pikën e lidhjes me të gjitha ato që u thanë nga ata që hidhen përpjetë dhe që, përsëri, kur të bien në tokë, do të shohin se terreni mbi të cilin qëndrojnë është gjithmonë më i rrëshqitshëm.

Të fundit