Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

Prapaskenat/ E shantazhuan me tatimet. Pse shpërtheu Elisa Spiropali?

Politiko 17 Prill 2026, 16:08

Duket se përplasja mes Elisa Spiropalit dhe Edi Ramës e sidomos Belinda Ballukut që është rreshtuar në një krah me të nuk do të njohë më kthim pas.

Këtë të premte ish kryetarja e kuvendit dhe ish ministrja e jashtme e shkarkuar, ka bërë një nga radiografitë më të dhimbshme për humnerën ku po po rrokulliset partia shtet. “Një parti e gjallë, po zëvendësohet nga një strukturë fosile ku gjithçka filtrohet përmes emërimeve okulte. “Drejtorokracia” është kthyer në mënyrë funksionimi. Ka zëvendësuar politikën me administrim besnikërie”, ka shkruar ajo në një shënim të gjatë në Facebookun e saj.

Për këdo që e lexon në mënyrë laterale ajo është një nga kritikat më të ashpra që një personazh me profil të lartë bën kundër Edi Ramës, me të njëjtin alarm, se gjërat po shkojnë keq, që ka shprehur më parë edhe ish zv/kryeministri Ahmetaj, për përdorimin e parave tenderat, PPP dhe skandalet.

Por Spiropali duket sikur shqetësohet më tepër për demokracinë e brendëshme në PS dhe për segmente të pushtetit që komandojnë në mënyrë antiligjore shtetin. E këtu për një sy të vemendshëm fillon të bijerë kambana. Në statusin e saj të gjatë ish ministrja e jashtme i ka dhënë shenjat kur ka folur për “Institucione që punojnë jo sipas ligjit, por sipas vullnetit të pak njerëzve….që shndërrohen në instrumente presioni”. Sikur të donte të fliste për diçka konkrete ajo ka vijuar: “në këtë pikë, çdo biznes, çdo media, çdo individ e kupton se nuk është më përballë një shteti, por përballë një makinerie të pashpirt që mund të përdoret kundër tij’.

Nisur nga këto indicie Lapsi.al u interesua për të kuptuar më shumë. Dhe arriti të mësojë se pas këtyre frazave plot nënkuptime fshihen ngjarje të vërteta. Një burim nga drejtoria e tatimeve i tha Lapsit se një grup prej tyre kanë marrë urdhër të ushtrojnë kontrolle të rrepta në bizneset e bashkëshortit të Spiropalit dhe disa familjarëve të saj. “Në krye të nismës ishte një kolegu ynë i emëruar nga Belinda Balluku dhe që vijon ti bindet asaj. Ne nuk na u tha se ku do shkonin, vetëm kur mbërritëm tek biznesi, e morëm vesh se kjo kishte lidhje me Elisën. Unë dhe një koleg tjetër u ndjemë shumë keq, nuk donim të vijonim atë raprezialje…por urdhri është urdhër”, tha ai në kushtet e anonimatit.

Si për ta bërë të gjithën më të vërtetë burimi i Lapsit na ka treguar edhe foto nga kontrollet dhe nga rrëmbimi i kpmjuterave nga zyrat. Këte duket se e vërteton edhe ajo qe shkroi vetë ish ministrja kur lfoli për një: “realitetit ku institucione publike me fytyrë personale përdoren si hanxharë për të frikësuar, dhe ku…pjesa e ndershme e administratës detyrohet të zbatojë deri urdhëra të paligjshëm për interesa dhe presione eprorësh të dhunshëm dhe fuqiplotë”.

Disa ditë më parë, pasi ish ministrja e jashtme publikoi një seri statusesh kritikë kundër Ramës, qeverisë, PS dhe sidomos pasi ajo rrefuzoi për të mbrojtur Ballukun, në media të kontrolluara nga qeveria u paratha sulmi mbi bizneset e familjarëve të saj. Fakti se papritur këto media që paguhen për të sharë Berishën dhe opozitën iu vërsulën një socialisteje, ishte treguesi i parë. Kjo del qartë edhe në statusin e saj: “Kur struktura shtetërore të emëruara, të promovuara dhe të kontrolluara nga e njëjta dorë, tashmë jo formale, të paraprira nga portale të paguara me para të errëta, fillojnë të sulmojnë në mënyrë brutale deri edhe familjarë, në punë të tyre, atëherë kuptohet qartë se kufijtë janë tejkaluar, dhe se nuk bëhet më fjalë për politikë”.

Pas sulmit mediatik lëvizja e dytë erdhi me dërgimin e falangave të tatimeve nga njerëz që komandohen prej Ballukut (e përshkruar si “e njëjta dorë, tashmë jo formale”), nuk dihet ende nëse edhe me miratimin e Ramës.

Pikërisht pas kësaj shenje shpalljeje lufte, që nxiti edhe statusin e fortë të ish ministres, në një pasazh ajo shkroi: “Nuk kam frikë nga sulmet… Jo se jam e paprekshme, por sepse nëse do të kisha frikë, do ta kisha zgjedhur heshtjen shumë më herët. Heshtja është gjithmonë opsioni më i lehtë në këto situata”.

Po pse Spiropali flet për frikë pas shantazhit me tatimorë dhe sulmeve të orkestruara mediatike kundër saj? Sepse në PS po qarkullon ideja se Rama kërkon ti japë një mburojë me të madhe politike Belinda Ballukut duke imagjinuar ta ngjisë atë në rangun e numrit 2 të socialistëve, si sekretare e përgjithshme. Po përpara se kjo hipotezë të bëhet realitet, Rama kërkon që një gjë e tillë të kalojë sa më thjeshtë, pa zhurmë dhe pa skandale.

Duke e ditur se Spiropali, me mërinë e saj ndaj Ballukut dhe duke mos pranuar një mburojë politike për të do ngritne zërin, obsioni ka qenë ai me metodat e Gys Agasit në AKSH, për ta shantazhuar. Sado iracionale dhe e nxitur nga paniuku të duket kjo lëvizje, ngjan se “Mamica” nuk është mposhtur prej saj. Dhe menjëherë pas yxhymit të tatimeve ka vendosur të flasë: “Për mua kjo nuk është një çështje thjesht personale. Është një detyrim për të thënë se shumçka duhet ta bëjmë më mirë. Jo unë, por Koha e kërkon. Ndarja e rëndësishme që duhet bërë qartë nuk është mes njerëzve. Është mes sektorëve funksionues shtetërorë, dhe strukturave abuzive personale.”/ Lapsi.al