Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

Procesi i Rindërtimit, Ahmetaj: Puna më e rëndësishme e jetës sime

Politiko 28 Dhjetor 2020, 12:53

Procesi i Rindërtimit, Ahmetaj: Puna më e rëndësishme e

Ministri për Rindërtimin, Arben Ahmetaj, tha në një intervistë për News24, se procesi i Rindërtimit ka qenë puna më e rëndësishme e jetës së tij në këto 31 vite karriere politikë.

Gjatë intervistës, ministri ndau disa përjetime, kur iu dorëzon çelësat e shtëpive familjarëve, teksa tha se “Para disa ditësh pashë një burrë që në emocion e sipër u përlot duke hyrë në shtëpi. Duke parë gjithë këtë emocion, gjithë këtë dhimbje dhe pastaj gjithë këtë gëzim, kjo është puna më e rëndësishme e jetës sime që kam bërë në këto 31 vite”.

Më tej ministri u shpreh se 1 mijë familje në disa zona të vendit brenda 31 dhjetorit 2020 do të futen në banesat e reja, ndërsa aktualisht janë në çadër 1 mijë e 156 familje që pas tërmetit të 26 nëntorit 2019.

Ndër të tjera, Ahmetaj tha se deri në maj të viti 2021 nuk do të ketë më asnjë familjenë çadër, pasi sipas tij, do të marrin banesat e reja.

“Ka dy lajme të mira për qytetarët që presin të hyjnë në shtëpi, apo kanë hyrë. Janë 1 mijë familje që deri në 31 dhjetor presin të hyjnë në banesa individuale, isha në Pezë, kam qenë në Shijak, shkoj në Kavajë, Thumanë, përfundojnë para 31 dhjetorit, do e gëzojnë shtëpinë e tyre të re falas. Lajm i dytë, që deri në maj deri në fund të majit asnjë familje s’do ketë asnjë familje në çadra. Në janar ishin mbi 11 mijë në çadra. Të gjitha kanë marrë bonus qiraje. Duke u ndërtuar, duke i rikonstruktuar, duke ulur numrin e familjeve në çadra. Siç e theksova, në maj të vitit 2021 ne nuk do kemi asnjë familje në çadër.

Presupozohet të jemi në një proces ndërtimi të njësive individuale, i kombinuar dhe me dhënien e parave të plota, për njësi individuale që nuk ndërtohen për shkaqe gjeologjike, e kemi ezauruar në maj, maksimumi deri në mes të qershorit. Bonusi i qirave do vijojë të jepet, e patë dhe aktin ligjor që kaluam, kemi dhënë 2.6 miliardë lekë ose 26 milion dollarë që janë bonus qiraje. Edhe ata në çadra morën bonus qiraje, por për arsye se duan të rrijnë afër tokës, të kujdesen për bagëtinë, do rrinë në çadra. E kemi mirëpritur këtë vendim. Në finale çdo familje do bënte zgjedhjen e saj, afër bagëtisë, gjithë nevojave me terrenin apo tokat bujqësore. Mund ta verifikoni dhe nga kronikat e mëparshme, kam thënë që janë 1 234 familje në çadra, sot janë 1 mijë e 156, çdo javë po ulet.

Po ndiqja debatet në Kroaci. Jam gati t’ju ndaj dhe linkun. Tërmeti i Kroacisë që ishte shumë më i voglë, ende s’ka filluar Rindërtimi. Ka vende në G7 si Italia, që iu zgjati Rindërtimi me 10 vite. Në Itali ka ende tërmete para 10 vitesh, dhe që iu është vonuar Rindërtimi. Nëse mendoni se lajm i mirë është që sot deri më 31 dhjetor do futen 1 mijë familje, lajm akoma më i mirë ësthë për ata që presin,. S’ka asnjë dyshim që çdo qytetar i dëmtuar do futet në shtëpitë e reja falas,” tha Ahmetaj.