Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

"Protestat, akt i degradimit të Ilir Metës e Sali Berishës", Rama leksione lidershipi Bashës: Është pa pikë karakteri

Politiko 15 Dhjetor 2020, 13:43
"Protestat, akt i degradimit të Ilir Metës e Sali
Foto Ilustruese/ Rama, Meta dhe Basha

Teksa ritheksoi se nuk ka për të shkarkuar Drejtorin e Përgjithshëm të Policisë së Shtetit, Ardi Veliun, edhe sikur 500 mijë njerëz t’ia kërkojnë, Rama ka akuzuar Presidentin Meta dhe ish-kryeministrin Berisha si përgjegjësit që fshihen pas protestave të të rinjëve.

“Kjo që ndodh nuk ka lidhje fare me zemëratat, por një tjetër akt i degradimit të Ilir Metës e Sali Berishës”, theksoi Rama.

Po ashtu, kryeministri nuk ka nguruar t’i jap leksione lidershipi Bashës, kur thotë se: “Ky është tjetër rast që provon se Basha është një lider pa pikë karakteri, sepse e di që ai s’ka lidhje me këtë që ndodh, por ai do duhet të dilte e të thoshte se këto janë të papranueshme dhe kjo nuk është rruga për të ardhur në pushtet.”

"Qysh në momentin e parë ndaj ngjarjes është mbajtur qëndrimi më korrekt dhe më profesional, dhe sikur të mos ishin disa nga mediat, sigurisht që ngjarja dhe qëndrimi ndaj saj nuk do të ishin ndotur nga lloj-lloj marrëzish që janë shkruar. SHCBA ka marrë menjëherë përsipër atë që i takonte, sepse nuk mundej dot Policia e Shtetit të hetonte diçka që kishte ardhur si rezultat i veprimit ekstrem të një punonjësi. Autori jo vetëm u ndalua menjëherë, por doli dhe përpara gjyqit.

Atëherë çfarë kërkojnë këta? Duan të vazhdojnë ciklin e revolucionit imagjinar që ka dy vite që rrotullohet në rradaken e Metës e të Saliut?

Mua më vjen keq për Bashën dhe është tjetër rast që provon se Basha është një lider pa pikë karakteri, sepse e di që ai s’ka lidhje me këtë që ndodh, por ai do duhet të dilte e të thoshte se këto janë të papranueshme dhe kjo nuk është rruga për të ardhur në pushtet. Por si gjithmonë ai është i papranishëm në momentin e duhur, në vendin e duhur, për të thënë gjënë e duhur.

Kjo që ndodh nuk ka lidhje fare me zemëratat, por një tjetër akt i degradimit të Ilir Metës e Sali Berishës. Këta të dy janë pas asaj që ndodh në rrugë. Këtë e dinë edhe peshqit e Liqenit Artificial. Jam i bindur që të gjithë shqiptarët e dinë këtë, të majtë e të djathtë”, tha Rama.

Të fundit