Flash News

Pas Koçekut ikën Spiropali? Socialistja sfidon hapur Ramën: PS duhet të vetëpastrohet

Aksident në Fushë Krujë–Laç, humb jetën drejtuesi i motoçikletës, shoferi i “Benz”-it shoqërohet në polici

“Albania is not for sale”, muret e Kryeministrisë ‘vishen’ me mesazhet e protestuesve

Video/ Braktisi PS-në, Marjana Koçeku i bashkohet protestës kundër Ramës

“Ne jemi ata që sakrifikuam për familjet… që ju i harruat”, mesazhi i fortë i diasporës nga protesta

Ditari i Maxhorancës

Protestat/ Ish-ministri socialist: Rënia e Ramës, e pashmangshme!

Politiko 21 Qershor 2026, 17:46

Protestat/ Ish-ministri socialist: Rënia e Ramës, e pashmangshme!

Ish-ministri i PS-së, Arben Malaj, ka komentuar protestat kundër kryeministrit Edi Rama, duke i cilësuar ato si masive dhe me ndikim të madh politik.

Sipas tij, bashkimi i rinisë dhe diasporës shqiptare është një sinjal i fortë kundër qeverisë aktuale dhe mund të çojë në ndryshime të pashmangshme.

Malaj akuzon pushtetin për arrogancë, lidhje me oligarkinë dhe mungesë reflektimi ndaj pakënaqësive të qytetarëve.

Ai sjell si shembull ish-presidentin francez Charles de Gaulle, i cili dha dorëheqjen pasi humbi mbështetjen e brezit të ri, duke theksuar se historia tregon se asnjë qeveri nuk mund të mbijetojë gjatë pa mbështetjen e rinisë.

“Protesta është tashmë tejet masive dhe, pa asnjë dyshim, do të jetë produktive. Koha ka treguar se kur një popull ngrihet, asnjë pushtet i korruptuar nuk mund të qëndrojë gjatë. Sot, këtij pushteti po ia thonë qartë dhe prerë të gjithë të rinjtë e Shqipërisë, rinia e diasporës dhe ajo e të gjitha trojeve shqiptare:

“Nuk të duam më!” Por në vend që të reflektojë, ai zgjedh t’i provokojë ata me një fjalor përçmues dhe arrogant. Kjo sjellje është një tentativë e pastër për të krijuar tensione sociale, me të vetmin qëllim: të ushqejë babëzinë e tij për pushtet absolut dhe të përjetshëm. Ky është një pushtet i lidhur këmbë e kokë me krimin dhe oligarkët qeveritarë, po aq të babëzitur sa ai vetë, që po mbysin të ardhmen e këtij vendi. Historia na mëson se ky lloj verbërie politike sjell gjithmonë të njëjtin fund.

Edhe liderë të mëdhenj e historikë janë detyruar të largohen kur kanë humbur lidhjen me rininë. Rasti më i pastër është ai i Presidentit francez Charles de Gaulle (Sharl de Gol) pas revoltave masive të Majit 1968. Kur Parisi u përfshi nga protestat e studentëve, ishte pikërisht përballja me të vërtetën dhe ndikimi i familjarëve të tij që e bënë të kuptonte se brezi i ri nuk e donte më sistemin e vjetër dhe autoritar që ai përfaqësonte. De Goli e kuptoi se pa mbështetjen e rinisë nuk mund të qeverisej më me legjitimitet; ai vuri në provë besimin e popullit me një referendum dhe, kur mori përgjigjen negative,

Dha menjëherë dorëheqjen dhe u largua përgjithmonë. Ndryshe nga De Goli, që përpara historisë zgjodhi dinjitetin dhe dorëheqjen, liderët e sotëm të babëzitur pas karriges tentojnë të mbijetojnë përmes dhunës verbale dhe tensionit. Por historia e ka treguar se kur rinia dhe diaspora bashkohen kundër oligarkisë dhe krimit, produkti i vetëm është rënia e pashmangshme e regjimit”,- shprehet Malaj ndër të tjera.

Të fundit