Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

Rama ‘kërcënon’ bizneset: Do t’i shkoj te dera e fabrikës, do t’i bëj leckë para shqiptarëve

Politiko 1 Maj 2023, 20:26

Rama ‘kërcënon’ bizneset: Do t’i shkoj te dera e

Kryeministri Edi Rama ka folur me një gjuhë të ashpër ndaj bizneseve dhe sipërmarrësve.

Sipas kryeministrit ata nuk respektojnë ligjin për t’u dhënë punonjësve pagën minimale prej 40 mijë lekësh.

Gjatë një takim me gratë në Korçë, Rama u dërgoi mesazhin se “do të vuajnë të zitë e ullirit”.

Rama tha se nëse kjo situatë nuk do të rregullohet deri pas zgjedhjeve, atëherë do ti shkojë vetë bizneseve te dera e fabrikës dhe sic u shpreh ai do ti bëjë leckë para shqiptarëve.

Edhe pse mesazhi ishte për ato industri me material porositësi, kreu i qeverisë u shpreh se “ky mesazh vlen për të gjithë xhagajdurët që mendojnë se ekonomia shqiptare duhet të ketë forcë konkurruese krahun e lirë të punës”.

“Ne kemi vendosur pagën 40 mijë lekë dhe të gjitha ato vajzat dhe gratë që punojnë në ato industri me material porositësi pagën e re do ta kenë 40 mijë lekë. Me këtë rast kam një mesazh, sot e kam pa emër. Herës tjetër kur të vij në Korçë pas fushatës, nëse ky mesazhi im nuk do të dëgjohet do ta kenë me emra. Ata emra do vuajnë të zitë e ullirit. Bëhet fjalë për 2-3 individë që janë pronarë dhe sipërmarrës në industrinë me material porositësi dhe që nuk u japin atë që u takon grave që punojnë aty.

Ne i dimë kush janë, ne e dimë çfarë bëjnë ata, dhe po i çoj një mesazh që të rregullojnë marrëdhëniet me gratë punëtore që kanë atje, 40 mijë lekshi jo vetëm që nuk duhet të diskutohet, por duhet të jepet në kohë, me bankë dhe duhet të jepet pa i shkuar më mendja atyre se mund ti shkojnë nga prapa duke it hënë mi jep mbrapsht cash sepse mua nuk më del.

Bëjnë mirë të marrin avokatë nëse janë analfabet dhe nuk dine të lexojnë ligjin, ta lexojnë ligjin se çfarë pasojash kanë. Nëse nuk do të futen në kornizën e ligjin do më kenë mua te dera e fabrikës, bashkë me ministren dhe inspektorët, jo për ligjin, por për ti bërë leckë në sytë e popullit shqiptar dhe pastaj t’ju rrojnë miliardat dhe milionat, t’ju rrojnë dhe shtëpitë e dyta dhe të treta sepse do ta kenë për turp të shikojnë fëmijët e tyre.

Ky mesazh vlen për të gjithë xhagajdurët që mendojnë se ekonomia shqiptare duhet të ketë forcë konkurruese krahun e lirë të punës. Ka marrë fund ajo kohë. Qeveria që unë drejtoj do të vendoset me të gjitha fuqitë në krah të punonjësve të këtij vendi.

Sipërmarrësve ju them se jua kemi bërë të gjitha izmetin, jua njohim të gjitha kontributet, ju vemë në piedestal, por atyre sipërmarrësve që nuk do të kuptojnë që kemi hyrë në një luftë në Evrope për krahun e punës, për kapitalin njerëz dhe ata që s’do kuptojnë që ne nuk mund të lëmë njerëzit të ikin sepse ata nuk duan tu japin hakun, ne do ti godasim pa asgjë mëshirë, do ti bëjmë shembull do i vënë nëpër rrugë dhe tabela dhe do ti them turp turp turp”, tha Rama.