Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

Rama në Shkodër, sulmon Voltana Ademin: Shembulli më drithërues i injorancës, qyteti më i pistë i Shqipërisë

Politiko 31 Mars 2021, 17:52

Rama në Shkodër, sulmon Voltana Ademin: Shembulli më

Kryeministri Edi Rama nga Shkodra sulmon kryetaren e bashkisë, Voltana Ademi, e vetmja bashki e drejtuar nga PD që pas zgjedhjeve të 30 qershorit 2019.

Gjatë fjalës së tij, Rama thotë se Shkodra është qyteti më i prapambetur dhe se ka mbetur peng e idiotësive për 30 vjet.

Rama: Për të mbështetur Shkodrën i kemi ardhur vërdallë kufijve të vendosur nga një bashki qorre, që është shembulli më drithërues i injorancës, prapambetjes, inercisë, duke shkuar qorrazi drejt të ardhmes.

I Kemi ardhur rrotull, ndërtuam rrugën Shkodër Velipojë, premtim i të gjitha herëve që PD ka ardhur këtu për të marrë votën dhe e ndërtuam ne, ndërtuam stadiumin e ri se s’kishim nevojë të merrnim leje te bashkia.

Ata duan ta mbajnë Shkodrën në këtë gjendje se mbretërojnë mbi prapambetjen duke nxitur përçarjen e urrejtjes e duke mos lënë rast pa thyer xhama e hedhur molotov e për të thirrur poshtë komunizmi. Cili komunizëm, i një politike të sëmurë që i thërret një imagjinate të sëmurë. Komunizmi ka vdekur e nuk kthehet më, i vdekur mban peng vetëm Shkodrën. E përdorin komunizmin për të marrë peng gjithë miletin.

Kur i jep votën një idioti je peng i tij, Shkodra ka mbetur peng e idiotësive 30 vjet. E mbajnë gjallë komunizmin këta që bëjnë sikur e luftojnë, kanë shpikur një luftë imagjinare, luftojnë me mullinjtë e erës njerëzit që shkojnë pas tyre. Këta shohin interesat e tyre.

S’i prishet terezia asaj kryetares bashkisë se c’ndodh me plehrat, qyteti më i pistë i Shqipërisë. Nuk mblidhen plehrat, është qyteti me më shumë gropa në vend, që kur vjen nuk sheh asnjë ndryshim. Qytet që i ka mbet ora. Punët e veta edhe kryebashkiakia edhe të Tiranës që vijnë këtu për të ngrit dy gishtat e kanë në terezi, lufta që bëjnë sot e bëjnë për punët e tyre.

Ne jemi të vetishme që s’kemi arritur dot të japim një ofertë të pakundërshtueshme. Këtë herë kemi sjellë njerëzit e duhur. I takon Shkodrës më pas të thotë i do apo jo.

Ne do ta fitojmë këtë ndeshje, ju doni të rrini me fituesit apo me humbësit. Mos harroni disa gjëra se nëse Shkodra ka një gur të çmuar krenarie shkodrane dhe kombëtare për shqiptarët, ka dinastinë Marubi.

Atë ne e kemi nxjerrë nga plehrat, jo në mënyrë metaforike. Nëpër thasë plasmani, sot ka një muze kombëtar të fotografisë. E kush e bëri këtë? Ne ‘komunistëve’ që pika që s’u bie këtyre lloj antikomunistësh, se janë viktimat e fundit të mentalitetit komunist në vend.