Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

Rama sulmon Metën: E zgjodhëm me detyrim përcaktim, shëmbëlltyra më e keqe që nga viti ’91

Politiko 19 Prill 2022, 10:31

Rama sulmon Metën: E zgjodhëm me detyrim përcaktim,

Kryeministri Edi Rama ka sulmuar Ilir Metën, teksa ishte duke folur për zgjedhjen e Presidnetin të ri në mbledhjen e grupit parlamentar socialist. Ai e quajti Metën, shëmbëlltyrën më të keqe të Kreut të Shtetit që nga viti ’91.

Ndërsa e akuzoi për shkelje të Kushtetutës, kryeministri u shpreh se Kreu i Shtetit duhet të jetë dikush që ofron unitet dhe përfaqëson qytetarët.

Rama shtoi se zgjedhja e Metës ishte me detyrim përcaktim, pasi PS nuk i kishte votat e nevojshme dhe se situata nuk ishte e favorshme.

“Zgjedhja e Ilir Metës ishte me detyrim përcaktim, pasi nuk i kishim votat dhe ndodheshim në një kontekst të jashtëzakonshëm, pasi mungonte opozita zyrtare në sallë dhe nga ana tjetër vullneti dhe dëshira jonë ishte të binte mbi dikë që do ta përfaqësonte dhe opozitën.

Ne zgjodhëm një president për opozitën, por duke menduar se do të ishte dhe një president për Shqipërinë. Rjedha e ngjarjeve tregoi të kundërtën dhe i dha vendit një president që ishte shëmbëllyra më e keqe e opozitës më të keqe që ky vend ka pasur që prej vitit 1991. Sot jemi në kushte të tjera. Duhet ta shohim si një përgjegjësi të madhe dhe jo si një mundësi e lehtë për t’i ofruar vendit një president që do të përmbushte gjysmën e kornizës politike”, tha Rama.

 

Të fundit