Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

Rama për shpopullimin e vendit: Trend që nuk e solli PS, s’kemi çelës magjik për ta ndalur

Politiko 4 Shkurt 2025, 09:13

Rama për shpopullimin e vendit: Trend që nuk e solli PS, s’kemi

Shpopullimi i Shqipërisë është një fenonem të cilin kryeministri e sheh si “trend” që nuk është zbuluar nga Partia Socialiste.

Në një komunikim ‘live’ me ndjekësit, Rama tha se nuk ka një çelës magjik që t’i japë fund emigracionit masiv që po përjeton Shqipëria, por sipas tij largimi lidhet me faktin se shqiptarët kërkojnë diçka më të mirë.

“Kjo historia po ikin, po ikin, është pak si një motiv i stërkënduar por pa pasur parasysh disa fakte të thjeshta. Së pari, trendi i largimit të shqiptarëve drejt Evropës apo botës as nuk e ka zanafillën në qeverisjen tonë dhe as nuk është në stadin kur kthesa e dukshme të fillojë. Sepse të shohësh se çfarë ka ndodhur me vendet e tjera për të kuptuar se kthesa e dukshme, momenti kur ka më shumë që kthehen sesa që largohen, për të gjitha vendet anëtare të BE, është momenti i anëtarësimit dhe momenti i balancimit të plotë të vendit në kornizën e përgjithshme të veprimtarisë së shteteve evropiane. E dyta, ne shqiptarët kemi qenë të mbyllur për mbi 50 vite dhe jemi më të justifikuarit për të kërkuar diçka më të mirë dhe jo për të pritur kur largohemi.

Nga ana tjetër siç ka shqiptarë që largohen, ka edhe që kthehen. Zgjidhja nuk është çelës magjik por punë e përditshme. Siç po ndodh që gjithmonë e më të shumtë shqiptarët po kthehen për të bërë pushime apo për të investuar në fshat dhe për të blerë shtëpi dhe parë të ardhme në qytet, ky është trend që do të ketë kohën dhe kthesën e vet. Nuk ka asnjë lloj çelësi tjetër magjik dhe të tjerët janë të gjitha propagandë që kushdo mund ta pëlqejë, por kush thotë se ka një mundësi për ta ndaluar me frena dore këtë trend historik, besoj se ose nuk di se ça thotë sepse kjo nuk ka ndodhur kurrë në histori në asnjë vend”, u shpreh Rama.

Të fundit