"Ngelët duke e faturuar diku tjetër përgjegjësinë", qytetarët shpërthejnë ndaj Albana Koçiut: Lav*re! Atë gjyqtar e vrau vetë shteti

Pas ngjarjes së rëndë të ndodhur në sallën e gjyqit, ku u vra gjyqëtari Astrit Kalaja, faqja e ministres së Brendshme Albana Koçiu është mbushur nga komentet e qytetarëve, të cilët shprehin zemërimin për mungesën e sigurisë dhe dështimin e institucioneve të rendit.

Ministrja kishte reaguar në Facebook duke shkruajtur se ishte shumë e tronditur nga lajmi i rëndë i vrasjes së gjyqtarit të Gjykatës së Apelit në Tiranë, Astrit Kalaja, dhe plagosja e dy qytetarëve, brenda sallës së gjykatës.”

Por reagimi i saj ka ndezur reagime të forta nga qytetarët, të cilët e akuzojnë për papërgjegjshmëri dhe mungesë veprimi.

“Që kur ke ardhur ti dhe Silva, ka nga një vrasje në ditë... nejse, ç’punë ke ti me vrasjet, ti ministre për adresa lagjesh je!”, shkruan një komentues.

Një tjetër i drejtohet ministres me tone të ashpra:

“Po për çfarë janë policët, për ryshfet apo për të mbushur xhepat? Kur nuk ka siguri nga policia, s’ka shtet! Gjykatat janë institucione shteti, jo private moj lavire, po ku di ti nga ligji.”

Ndërsa një tjetër shton:

“Vrasje, tritol, krime po ndodhin çdo ditë, dhe ti thua se s’ka përgjegjësi policia. Në çdo ngjarje nuk e keni marrë mundimin të jeni as për figurë, jo më për konferencë për shtyp. As ti dhe as Ilir Proda.”

Qytetarët nuk kanë harruar as rastin ku ministrja në fjalë shkarkoi zvëndësin e saj Andi Mahila me pretekstin se po pinte cigare në ambientet e brendshme të zyrës së tij.

“Gjithmonë ngelët duke e faturuar diku tjetër përgjegjësinë. Nuk punohet kështu, zonja ministre. Shkarkove zëvendësin tënd vetëm për një cigare, ndërkohë që po t'i rrahin policët brenda ambienteve të komisariateve. Reformo policinë e shtetit, se kështu si jeni katandisur, do t'ju duhet të shprehni çdo ditë ngushëllime.”

Ka pasur edhe kërkesa për dorëheqje:

“Znj. Koçiu, ç’janë këto pallavra që broçkullisni? Dorëheqje menjëherë, Proda i pari. Si është e mundur që në sallën e gjyqit futet një i armatosur? Si është e mundur që gjykata ruhet nga policia private? A ka polici shteti shqiptar apo jo?”

Ndër komentet më të goditura, qytetarët theksojnë mungesën e drejtësisë dhe mosfunksionimin e sistemit:

“Atë gjyqtar e vrau vetë shteti me zvarritjet dhe mohimin e të drejtës... Ka 20 vite që njerëzit presin për një certifikatë pronësie.”

“Atë gjyqtar e vrau vetë shteti. Me zvaritjet dhe me mohimet e të drejtës”

 “Vrasje - tritol - krime po ndodhin cdo dit. Dhe ti thua nuk ka pergjegjesi policia. Ne cdo ngjarje nuk e keni mare mundimin te jeni te pranishem atje qoft edhe per figure pa jo me per konferenca per shtyp. As ti. Dhe as Ilir Proda”

Ngjarja ka hapur një debat të gjerë publik për gjendjen e rendit, mungesën e sigurisë dhe krizën e besimit ndaj institucioneve të shtetit.