8 dhjetori Dita e Rinisë, Mediu bashkëbisedim me studentë e pedagogë: Qëllimi ynë, ndërtimi i shtetit të së drejtës

Kryetari i Partisë Republikane, Fatmir Mediu, dhe Rektori i Universitetit Europian të Tiranës, Profesor Selami Xhepa, zhvilluan një bashkëbisedim me studentë, pedagogë dhe profesionistë të cilët kanë mbaruar studimet brenda dhe jashtë Shqipërisë, me rastin e 8 dhjetorit, Ditës Kombëtare të Rinisë.

“Ky bashkëbisedim për 8 dhjetorin, me rastin e 30-vjetorit të Lëvizjes studentore, riktheu në kujtesë ditët e protestave të studentëve, por mbi të gjitha gjendjen jashtëzakonisht të rënde ekonomike dhe politike mbas 30 vitesh në Shqipëri”, thuhet në komunikatën e PR.

Në takim janë evidentuar arritjet e pluralizmit dhe demokracisë shqiptare në këto 30 vite, por dhe problemet qe kane shoqëruar tranzicionin e gjatë shqiptar.

Komunikata e plotë për shtyp:

Kryetari i Partisë Republikane, Fatmir Mediu, dhe Rektori i Universitetit Europian të Tiranës, Profesor Selami Xhepa, zhvilluan një bashkëbisedim me studentë, pedagogë dhe profesionistë të cilët kanë mbaruar studimet brenda dhe jashtë Shqipërisë, në vendet e SHBA dhe të Evropës, me rastin e 8 dhjetorit, Ditës Kombëtare të Rinisë.

Ky bashkëbisedim për 8 dhjetorin, me rastin e 30-vjetorit të Lëvizjes studentore, riktheu në kujtesë ditët e protestave të studentëve, por mbi të gjitha gjendjen jashtëzakonisht të rënde ekonomike dhe politike mbas 30 vitesh në Shqipëri.

Profesor Xhepa dhe Kryetari i PR, Fatmir Mediu, vlerësuan rolin dhe kurajën e studentëve të Dhjetorit në përballjen dhe përmbysjen e sistemit  komunist dhe fillimin e pluralizmit shqiptar me themelimin e Partisë Demokratike.

Ata evidentuan arritjet e pluralizmit dhe demokracisë shqiptare në këto 30 vite, por dhe problemet qe kane shoqëruar tranzicionin e gjatë shqiptar.

Profesor Selami Xhepa theksoj se Partia Demokratike ,Partia Republikane si dhe e djathta ishin promotor të zhvillimit të ekonomisë së tregut dhe vlerave të demokracisë liberale në një shtet tërësisht te rrënuar politikisht dhe ekonomikisht nga diktatura komuniste si asnjë vend tjetër I lindjes komuniste.

Motivi shqiptarëve i cili u kthye në qëllim kombëtar ishte”Ta bëjmë Shqipërinë si gjithë Europa”, në partneritet me ShBA dhe BE për të integruar Shqipërinë dhe kombin shqiptar drejt strukturave Euro-Atlantik.

Kryetari PR Mediu theksoj se antaresimi i Shqiperisë në NATO, liberlizimi i vizave janë nga fitoret me rëndësi të madhe historike për shqiptarët nën qeverisjen e kryesuar nga z. Berisha.

Këto arritje kombëtare erdhën për shkak  të luftës me  krimin dhe korrupsionin dhe duke u orientuar në reforma te thella ekonomike dhe institucionale.

Mediu theksoj nevojen e një ndryshimi të domosdoshëm në qeverisje dhe parlament, qëllimi ynë duhet të jetë ndërtimi i Shtetit të së Drejtës, standarteve Evropiane kushtetuese, ku përcaktohen qartë roli i 3 pushteteve kontrolli dhe balancimi I tyre në mbështetje të lirive dhe të drejtave te qytetarëve shqiptarë.

Ndërtimin e një Shteti ku drejtësia duhet t’i shërbejë interesit te qytetarëve dhe të garantojë barazinë perballë ligjit.

Për fatin e keq sot nuk jemi një Republike Parlamentare por një  Republikë e një individi të Edi Ramës i cili ka ndërtuar një regjim te korruptuar, duke shkatërruar ekonominë, liritë dhe të drejtat e shqiptarëve dhe duke ju kundërvënë Evropës.

Parlamenti duhet të jetë një institucion i rëndësishëm që përfaqëson interesat e qyetarëve dhe si i tillë,  duhet patjetër të ketë mundësi të zgjedhin deputetët që do I përfaqësojnë,  si dhe deputet të jenë të përgjegjshëm përballë qytetareve dhe jo vetëm partive politike.

Zhvillimi i ekonomisë kërkon politika mbështetëse ndaj biznesit, taksa te ulëta dhe siguri juridike.

Shqiperia është vendi me i varfër në Europë jo se i mungojnë resurseset dhe kapacitet njerëzore, por sepse i mungon një qeverisje e drejtë. Regjimi I korruptuar i Edi Ramës, taksat e qytetarëve i përdor për afera korruptive dhe politika klienteliste.

Shumë student ngritën shqetësimin e pamundësisë për punësim,  apo vlerësim te meritës së tyre si dhe  pamundësisë për të hapur dhe zhvilluar biznes,  prandaj kjo situatë e rëndë ka detyruar bashkëmoshatarët e tyre të largohen nga Shqipëria.

Ata theksuan se Universitetet duhet të gëzojnë autonominë e tyre dhe te mos jenë nën kontrollin e qeverisë.

Në përfundim të gjithë bashkëbiseduesit theksuan nevojën e përfshirjes në politike për të ndryshuar Shqipërinë në 25 Prill dhe për t’u ribashkuar me Evropën me një qeverisje të djathtë dhe të përgjegjshme.

Opozita e ka të domosdoshme angazhimin në garën e saj elektorale dhe qeverisëse të njerëzve të aftë, pedagogë, intelektualë, studentë dhe profesionistë të aftë të cilët punojnë brenda dhe jashtë Shqipërisë.