Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Apeli tejkalon afatin për zbardhjen e vendimit të Salianjit, avokati përsërit kërkesën

Politiko 31 Tetor 2024, 11:33

Apeli tejkalon afatin për zbardhjen e vendimit të Salianjit, avokati

Ledio Braho, avokati i deputetit demokrat Ervin Salianji, ka paraqitur një kërkesë të re në Gjykatën e Apelit për t’i vënë në dispozicion vendimin e zbardhur të marrë më 26 shtator për dënimin e klientit të tij.

Në shkresën e dërguar, Braho thekson se Gjykata e Apelit ka kaluar afatin ligjor prej 30 ditësh për zbardhjen e vendimit, gjë që pengon Salianjin të bëjë rekurs në Gjykatën e Lartë.

Kujtojmë se më 26 shtator, Apeli la në fuqi dënimin me 1 vit burg për Salianjin, pas akuzave për "cënim të imazhit të Qeverisë" në denoncimin e tij ndaj Geron Xhafajt, vëllait të ish-ministrit Fatmir Xhafaj.

Partia Demokratike dhe vetë Salianji e kanë quajtur këtë vendim si të motivuar politikisht, megjithatë deputeti pranoi vendimin dhe aktualisht ndodhet në burgun e Fierit.

“Në vijim të këtij njoftimi, i dënuar Ervin Salianji, pavarësisht se nuk është njohur ende me arsyetimin e vendimit që la në fuqi dënimin e tij me burgim dhe që e vë në pozita të pabarabarta me organin e akuzës në lidhje me mjetet procedurale që i njeh K.Pr.Penale (rekurs, kërkesë për pezullim), e ka ekzekutuar atë vullnetarisht, fakt ky që provohet nëpërmjet Procesverbalit (Mbi zbatimin e urdhrit të prokurorit, për ekzekutimin e vendimit penal nr. 2900, datë 18.12.2019 të Gjykatës së Rrethit Gjyqësor Tiranë, marrë formë me datë 26.09.2024, për shtetasin/të dënuarin Ervin Salianji) të datës 27.09.2024.

Në lidhje me shpalljen e vendimit të Gjykatës së Apelit të Juridiksionit të Përgjithshëm, do i referohemi nenit 430/1 pikat 3 dhe 4 të K.Pr.Penale që parashikojnë se:

“3. Vendimi depozitohet në sekretari menjëherë pas shpalljes. Nëpunësi i caktuar vë nënshkrimin dhe shënon datën e depozitimit.
4. Kur vendimi shpallet i përmbledhur, ai arsyetohet brenda 30 ditëve nga shpallja e tij”.

Ndodhur në kushtet që vendimi i sipërcituar nuk u shpall as i arsyetuar e as i përmbledhur, e për më tepër që tashmë ka kaluar dhe afati 30 ditor për arsyetimin e tij nëse do ishte shpallur i përmbledhur, kërkojmë që të na vendoset në dispozicion menjëherë vendimi i arsyetuar në mënyrë që të ndjekim mjetet e tjera procedurale, për aq kohë sa tashmë edhe i dënuari Ervin Salianji ka nisur prej më shumë se një muaji vuajtjen e dënimit me burgim.” – thuhet në shkresën drejtuar Gjykatës së Apelit.