“Arreston liderin e PD, mbyll parlamentin”, Berisha: 20 shkurti, dita t’i japim atë që meriton ‘Ramë-Gonigalit’

Kreu i PD, Sali Berisha u ka bërë thirrje shqiptarëve të mos pranojnë të jenë njerëz të përçmuar.

Nga tubimi qytetar, Berisha i fton qytetarët në protestën e 20 shkurtit, si ditën që kryeministrit Rama do t’i jepet ajo që meriton, pasi sipas tij është personi që zhduk pluralizmin me korrupsion ndërkombëtar, që arreston liderin e PD-së dhe mbyll parlamentin si të ishte kuzhina e tij. 

Berisha: Sot më shumë se kurrë duhet të ngrihemi sepse çdo gjë që bën një komb të suksesshëm, që i bën një kombi të mundshëm zhvillimin e tij, këtu shkatërrohet me shpejtësi të tmerrshme.

Mos harroni, sot për 1 mijë banorë kemi mjekë aq sa kishim në vitet 1960. Kemi ecur mbrapa. Mos harroni se sot, fëmijët tanë në shkolla kanë një cilësi arsimi më të keqe se 20 vite më parë.

A nuk janë këto të gjitha akte të tmerrshme poshtërimi ndaj nesh, shpërfillje ndaj nesh. A nuk janë këto kushtrim për çdo shqiptare dhe shqiptar, në këmbë në 20 shkurt për tu ndarë me tiraninë.

Miqtë e mi!

Qytetarë dhe qytetare, ju ftoj të mos pranoni të jeni një komb i përçmuar. Të mos pranoni kurrë të jeni njerëz të përçmuar.

Nuk ka arsye sepse ne, në ADN-në tonë i kemi dalë zot vetes, ndofta më shumë se kushdo tjetër në kohë të caktuara.

Si mundet të pranojmë ne një kryeministër që paguan, shefin e kundërzbulimit të vendit më të fuqishëm të botës, për të shkatërruar opozitën, për të luftuar Sali Berishën, për të luftuar PD-në, për të çelikosur në pushtet Edi Ramën.

Kujt ja kanë bërë më thoni mua. Cili komb ka pësuar një gjë të tillë?

Kurse ne shohim njëri-tjetrin.

20 shkurti është dita ti japim atë që meriton RamëGonigalit, këtij bastardi të xhelatëve hoxhistë që zhduk pluralizmin me korrupsion ndërkombëtar, që arreston liderin e PD-së nga frika dhe tmerri i tij, që mbyll parlamentin si të ishte kuzhina e Lindës dhe jo tempull i popullit dhe demokracisë.

20 shkurti është dita e shqiptarëve, është dita e atdhetarëve.