Artikulli në EuReporter për financime ruse, Kryemadhi: I sajuar, u pagua nga Mirel Mërtiri

Deputetja e PL, Monika Kryemadhi ka reaguar sërish pas artikullit në EuReporter ku npretendohej se ish kryetarja e LSI  kishte marrë disa pagesa nga kompani ruse të naftës, rreth 6 vite më parë. Pak orë pas publikimit, artikulli u fshi.

Për këtë, Kryemadhi tha në emisionin “Opinion” në Tv Klan se shkrimi ishte i sajuar dhe se portali është paguar nga Mirel Mërtiri biznesmeni i shpallur në kërkim për inceneratorin e Elbasanit.

Pjesë nga biseda:

Monika Kryemadhi: Nuk i kam dhënë asnjëherë shërbime marketingu.

Blendi Fevziu: Pra është komplet e sajuar?

Monika Kryemadhi: Absolutisht. Vjen si rezultat i shkrimit të Financial Times që u bë për zotin Rama. Kam filluar ta investigoj. Më rezulton që pagesat e kësaj i ka bërë ortaku i Erion Veliaj, zoti Mirel Mërtiri në një portal të tillë.

Blendi Fevziu: Kush?

Monika Kryemadhi: Zoti Mirel Mërtiri ka bërë pagesa për këtë shkrim në mënyrë të tillë që është bërë tashmë e rëndomtë.

Blendi Fevziu: Si është bërë me fatura?

Monika Kryemadhi: Do t’i gjejmë edhe faturat mos i kini merak.

Blendi Fevziu: E keni hamendje apo informacion?

Monika Kryemadhi: Informacion. Ti më thërret mua për koalicionin dhe më pyet për mashtrimet e kësaj. E dyta, unë do ti drejtohem edhe prokurorisë së Tiranës, SPAK-ut që ta hetojë këtë çështje sepse përdorimi i të dhënave personale  të njerëzve pavarësisht, siç jam unë, siç ishte dhe çështja e operacione plastike që thonin që nxirrnin shuma dhe paguheshin në një servis makinash. Dmth operacionet plastike ishin kryer në një servis makinash. Problematikat që ka sot mazhoranca janë shumë të mëdha saqë kanë shkuar në një portal që shquhet i lidhur ngushtë me kompanitë kineze, i lidhur ngushtë me Partinë Komuniste kineze. Ky është një portal i investuar gjatë gjithë kohës së Covid nga qeveria kineze