Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Baçi nga Fieri: Bashkia s’do jetë më strofull e oligarkëve, Evdar Kodheli model i qytetarisë

Politiko 8 Prill 2023, 19:08

Baçi nga Fieri: Bashkia s’do jetë më strofull e

Evdar Kodheli, kandidati i koalicionit “Bashkë Fitojmë” është prezantuar sot në qytetin e Fierit. Kodheli do të garojë në zgjedhjet vendore të 14 majit nën siglën e “Bashkë Fitojmë”.

Gjatë prezantimit të Kodhelit, deputeti Luan Baçi tha se Bashkia e Fierit nuk duhet të jetë më strofull e zyrtarëve të kapur dhe oligarkëve të lidhur me pushtetin. Baçi tha se Evdar Kodheli është një kandidaturë model për qytetin, i cili do ta përfaqsojë denjësisht më 14 maj.

Baçi u shpreh se meritat për këtë ringritje me kaq energji e shpresë, i takojnë kreut të demokratëve Sali Berisha.

“Kjo bashki nuk duhet të qëndrojë më strofull e zyrtarëve të kapur të pushtetit dhe oligarkët e lidhur me ta që vetëm vjedhin dhe abuzojnë me taksat tona. Partia Demokratike dhe opozita e vërtetë prezanton sot kandidatin për të drejtuar Bashkinë e Fierit qytetarin shembullor, prindin e shkëlqyer, sipërmarrësin e suksesshëm, ekspertin e financave, kandidatin Evdar Kodheli në koalicionin Bashkë Fitojmë.

Kjo sallë e mbushur plotë dhe me shumë entuziazëm na përcjellë energjinë e fitores edhe këtu në Fier. Dalja në 14 maj me një kandidaturë përbën model në politikë në qytetari dhe në përfaqësimin dinjitoz për interesin publik.

Evdar Kodheli ka mbështetjen e secilit prej jush dhe shumë qytetarëve të tjerë të paangazhuar politikisht në Fier dhe këtë fakt e dëshmuan primaret që sollën një ringjallje të parimeve tona si parti e djathtë që respekton vetëm garën me drejtësi demokraci dhe meritokraci. Për këtë ringritje me kaq energji dhe shpresë merita më e madhe i takon liderit tonë të Partisë Demokratike Sali Berishës por mbi të gjitha edhe anëtarësisë së PD-së”, tha Baçi.

Të fundit