All - Scripts - 4
All - Scripts - 5

Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës
Desktop - General - 1

Ditari i Opozitës

Bardhi: Dëshmia e Pacollit konfirmon se edhe gara për Aeroportin e Vlorës ishte fiktive

Politiko 7 Nëntor 2025, 18:12
All - Paragraf - 1

Bardhi: Dëshmia e Pacollit konfirmon se edhe gara për Aeroportin e

Kryetari i Grupit Parlamentar të Partisë Demokratike, Gazment Bardhi ka reaguar pas publikimit të dëshmisë së biznesmenit kosovar Behgjet Pacolli, duke e cilësuar atë si provë të qartë se koncesioni për Aeroportin e Vlorës është një skemë korruptive e drejtuar nga kryeministri Edi Rama dhe e menaxhuar nga zëvendëskryeministrja Belinda Balluku.

All - Paragraf - 3

Në një postim në rrjetet sociale, Bardhi shkruan se deklaratat e Pacollit provojnë se garat për koncesione strategjike në Shqipëri janë thjesht fasadë, ku shteti përdoret për të mbuluar pazare politike dhe ekonomike me partnerë të caktuar.

Postimi: 

Dëshmia e biznesmenit Behgjet Pacolli provon se nuk ka garë, shteti përdoret si fasadë për pazaret “gjeostragjike” të Edi Ramës dhe se Belinda Balluku ka firmosur me vetëdije për këtë paligjshmëri gjigande.

Nga dëshmia provohet përtej çdo dyshimi se koncesioni për Aeroportin e Vlorës është një skemë korruptive e dirigjuar nga Edi Rama dhe e menaxhuar nga Belinda Balluku.

Dëgjojeni dëshminë! Në zyrën e Belinda Ballukut përcaktohet sa përqind do të jetë secili aksioner përpara se të hapet gara formalisht dhe se shqetësimi i saj është të kënaqë partnerin turk në koncesion. Pse? Arsyet do t’i tregojë patjetër gjatë hetimit në SPAK.

Dëshmia e Behgjet Pacollit përbën një të dhënë unike për SPAK dhe një detyrim për t’u administruar si provë menjëherë për të kuptuar se koka e korrupsionit akoma nuk është vendosur nën hetim. Ose të paktën ne nuk kemi njoftim për këtë.

Afera e koncesionit të Aeroportit të Vlorës ka nevojë të hetohet me shpejtësi, pa ndikim politik dhe me profesionalizëm. Këtu nuk është në diskutim vetëm rrënimi i shtetit shqiptar nga korrupsioni. Është në diskutim shkelja e çdo kontrate me Bashkimin Europian. Është shkelur jo vetëm ligji i prokurimeve dhe Kushtetuta, por edhe Marrëveshja e Stabilizim Asociimit me Bashkimin Europian. Ky po që është një regres i paprecedentë!

P.S. Dëshmia e Behgjet Pacollit na zbardhi dhe arsyet e dhuratës aq urgjente të spitalit të Fierit. Asnjë dhuratë. Vetëm korrupsion!

Të fundit