Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Bardhi për 25 Prillin: Gati të dëshmoj masakrën në Elbasan, Balla kishte shtab elektoral. Si u shkarkua drejtori i Policisë

Politiko 17 Nëntor 2021, 16:11

Bardhi për 25 Prillin: Gati të dëshmoj masakrën në

Akuzave të hedhura vazhdimisht mbi atë që PD-ja e quan ‘masakra zgjedhore e Elbasanit’, i është përgjigjur sekretari i Përgjithshëm Gazment Bardhi, sot në mbledhjen e Komisionit Hetimor të 25 Prillit.

Bardhi deklaroi se është i gatshëm të thirret si dëshmitar për të dhënë faktet dhe detajet e tij lidhur me ‘masakrën zgjedhore të Elbasanit.’ Ndër të tjera,Bardhi hodhi akuza mbi kreun e grupit parlamentar të PS-së Taulant Ballën, duke u shprehur se ky i fundit kishte shtab elektoral në Elbasan.

“185 kallëzime i keni sot në Prokurori. Janë të dhënat e mbledhura nga ky grup dhe do të duhej secili prej jush të falenderojë çdo qytetar të ndërgjegjshëm qoftë në PD qoftë në PS që mbledh të dhëna për kryerjen e një krimi dhe i paraqet të dhënat në Prokurori. Do të duhet t’u themi faleminderit atyre jo patronazhistëve që na vjedhin të dhënat tona personale, përcaktojnë edhe se si voton drejtuesi i SPAK se si voton Presidenti i Republikës, Kryetari i Gjykatës Kushtetuese, Prokurori i Përgjithshëm dhe për turpin e Prokurorit të Përgjithshëm dhe drejtuesit të SPAK, të dhënat e të cilëve janë vjedhur, siç janë vjedhur të dhënat e 2 milionë shqiptarëve, flenë mbi dosje. Do të duhej t’i hetojnë. E kam çuar kallëzim penal. Po pres të hetojë Prokuroria dhe jam i gatshëm të dal atje e të jap informacione se kush ishin trafikantët e drogës që shoqëronin nga mëngjesi në darkë Taulant Ballën dhe ekipin tuaj në Elbasan. Kush ishin njerëzit që shpalleshin në kërkim paradite nga policia dhe pasdite shoqëroheshin nga policia për të shpërndarë para’ shtëpi më shtëpi në Elbasan. Nuk kishte Polici Shteti në Elbasan kishte bandë që komandonte nga drejtori i Policisë, që ishte i pafuqishëm për t’i luftuar. Dhe ta them unë se përse?! Sepse kjo bandë ishte shtabi i Taulant Ballës në Elbasan”, tha Bardhi.

Teksa u shpall i gatshëm për të dëshmuar mbi masakrën zgjedhore, Bardhi nuk kursue të shpaloste edhe fakte që më parë nuk i kishte deklaruar. Sekretari i Përgjithshëm demokrat tregoi se shkarkimi i drejtorit të Policisë në Elbasan, u bë nga Taulant Balla për shkak të zgjedhjeve.

“Dhe Taulant Balla kishte të drejtën dhe mundësi për të shkarkuar drejtorin e qarkut, siç e bëri. Një nga arsyet pse e shkarkoi drejtorin e qarkut ishte se nuk i bindej deri në fund Taulant Ballës. Ai i thoshte: “shko hyr në shtabin e kundërshtarit tim politik”, “mos shpall në kërkim eksponentët e krimit të organizuar.” Se ditën kur i denonconim, mbylleshin në shtëpi ata. Në darkë i mblidhte Taulant Balla u thoshte: “Më keni mua.” Të nesërmen merrnin zemër ata, masakronin, kërcënonin qytetarët, blinin vota në mes të ditës, mblidhnin karta identiteti. Ky është realiteti”, shtoi Bardhi.

Pjesë të asaj që Bardhi e quajti ‘shtab elektoral të Taulant Ballës’, ka qenë sipas tij edhe një trafikant i njohur droge, Mehmet Greca.

“Mehmet Greca doli në TV krenar dhe tha: se është anëtar i shtabit te Taulant Ballës. Është trafikant i dënuar droge, në kërkim. I dënuar në Londër si shpërndarës droge, është krenaria juaj, si patronazhist. Nuk do ta kisha kurrë krenari në të gjithë karrierën time politike”, përfundoi Bardhi.