Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Basha e cilëson ‘patericë të Ramës’, Kryemadhi e fton sërish Topallin në koalicion: S’kam aq informacion sa kreu i PD

Politiko 2 Nëntor 2020, 19:05

Basha e cilëson ‘patericë të Ramës’, Kryemadhi e

Kryetarja e LSI, Monika Kryemadhi ka ftuar sërish Jozefina Topallin pasi zyrtarizoi ‘Lëvizjen për ndryshim’ në koalicion, ndonëse kreu i PD Lulzim Basha, aleati i saj, e ka cilësuar më herët si ‘patericë’ të Ramës.

Duke folur në ‘report tv’, Kryemadhi tha se është e mirëpritur çdo parti që për mision ka largimin e Ramës dhe se koha do ta vërtetojë nëse partitë e reja janë ose jo ‘patericë’ të PS.

“Znj.Kryemadhi një deklaratë e juaja nga Pogradeci se do të mirëprisnit partinë e Jozefina Topallit në koalicionin tuaj apo cilado parti tjetër e cila është në një mision për të larguar Ramën nga qeveria ka bërë mjaft bujë, duke pasur parasysh dhe artikulimet e Z.Basha se partia e Topallit është një parti kukull e Edi Ramës. Duket si një lloj ndarje?”, u pyet Kryemadhi.

“Mua si Monikë, nuk më takon kurrë ta them këtë gjë. Ne duhet të mirëpresim çdo parti të re politike, çdo individ që do të merret me politik, është normale që unë nuk kam aq shumë informacione sa mund të ketë z.Basha përsa i përket gjithë strukturave të tjera por ajo që është shumë e rëndësishme për secilin nga ne do ta tregojë veprimtaria politike e secilit individ apo strukturë të re politike se faktikisht nëse është mision vërtetë për të krijuar një strukturë politike kundër Ramës apo për të qenë patericë e Ramës.

Unë e mirëpres znj.Topalli sepse është një gjë shumë e mirë që të kemi përsëri një grua në jetën politike shqiptare që drejton një parti politike. Uroj që i gjithë angazhimi i saj të jetë në funksion të zgjedhjeve të lira dhe të ndershme, të jetë në funksion të përfshirjes të të rinjve dhe të rejave.

Të jetë në funksion të ndalimit të shpopullimit që po i bën Shqipërisë Rilindja me Ramën në krye dhe normalisht që kur të gjithë kemi një mision dhe një objektiv të përbashkët për ta kthyer Shqipërinë shtëpinë e shqiptarëve, unë nuk mendoj se ka po themi një vend për të krijuar mendime të tilla.

Ne sot duhet të kuptojmë që pika e përbashkët e strukturës politike, ekonomike dhe sociale shqiptare është vetëm një gjë, 25 prilli zgjedhje të lira dhe të ndershme dhe ndalimi i shpopullimit. Nuk kanë bizneset punëtorë që të punojnë, nuk kanë mësuesit nxënës nëpër klasa në qoftë se do të ikin të gjithë shqiptarët.

Nuk do të ketë votues për partitë politike nëse do të ikin gjithë shqiptarët. Kështu që mendon që është një nga pikat më të rëndësishme sot, për këtë duhet të artikulojmë sesa të merrmi me ketë gjë. Unë nuk dua të harxhoj kohë në kuptimin e komentimit por ju uroj suksese dhe shpresoj që në axhendën politike, jo vetëm të Jozefina Topallit por të kujtdo partie politike apo strukture politike që do të angazhohet në zgjedhjet e 25 prillit të jetë pjesë e betejës kryesore për integrimin e Shqipërisë në BE dhe ndalimin e shpopullimit të Shqipërisë”, tha Kryemadhi.