Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Basha takon komisioneren e BE: E njoha me planin anti-mafia, do ta zbatojmë pas 25 prillit

Politiko 20 Shkurt 2021, 13:08

Basha takon komisioneren e BE: E njoha me planin anti-mafia, do ta zbatojmë

Kreu i Partisë Demokratike ka zbardhur takimin me Komisioneren e Bashkimit Evropian për Punët e Brendshme, Ylva Johansson.

Pas takimit, Basha tha për mediat se e ka njohur atë me planin anti-mafia, i cili do të vihet në zbatim pas 25 prillit, ndërsa kujtoi periudhën e bashkëpunimit për heqjen e vizave për shqiptarët.

“Pata kënaqësinë të pres komisioneren për punët e brendshme të BE në një kohë sfidash për BE dhe Shqipërinë. E njoha atë me planin për luftën kundër krimit të organizuar dhe korrupsionit. E njoha me planin tonë anti-mafia dhe vullnetin për ta zbatuar pas 25 prillit.

Me komisionineren për punët e brendshme të BE kam bashkëpunuar kur hoqëm vizat për qytetarët shqiptarë dhe kujtuam se si bashkëpunimi i atëhershëm , kushtet që cuan te reformat e të mirat që gëzojnë sot shqiptarët , dixhitalizimi i sistmit kufitare, sollën diçka të paimagjinueshme para 11 vitesh, që shqiptarët lëvizin pa viza në BE.

Tani është detyra e qeverisë pas 25 prillit dhe vullneti im politik që ta drejtoj drejt përmbushjes së kushteve për hapjen e negociatave që vendi të përfitojnë të tjera të mira materiale.

Angazhimi për t’i përmbushur këto kushte do sjellë përmirësim real në jetën e shqiptarëve, në kuptimin financimeve fermerët, biznesi, rinia, universitet dhe besimin e investirorëve me paga dinjitoze , e kjo krijon premisat që të ndalim plagën e emigracionit masiv dhe rinia të gëzojë edhe mundësinë për të dalë jashtë dhe mundësinë që të punësohet me paga dinjitoze në vendin e vet. Lëvizjen në Europë ta ketë në funksion të lirisë së lëvizjes , të kënaqësisë dhe jo si një arratisje nga koka këmbët prej realitetit të sotëm. Ndryshimin e bën vullnetin politik”, u shpreh kryedemokrati.

I pyetur mbi kërkesat e shtuara për azil nga shqiptarët, Basha thotë se kjo ka ardhur nga dështimi i qeverisë Rama.

“Shqipëria gëzon frytet e heqjes së vizave, ku unë si ministër i Brendshëm dhe pjesë e asaj qeverise, bënë të mundur plotësimin e këtyre kushteve. Vota e shqiptarëve është garancia për hyrjen në 25 prill. Dhe këto kushte do të plotësohen. Do të mundësohet që në vendin tonë të hapen vende pune, s’do të detyrohen bijtë dhe bijat e shqiptarëve që të kërkojnë rrugët e emigrimit. Ne kemi një plan për arsimin, për ekonominë. Korrupsioni i qeverisë i ka mbyllur rrugët e Evropës dhe ka vjedhur miliarda euro.

Përmes këtij investimi në 25 prill nuk do të fitojë vetëm PD, por do të fitojnë shqiptarët. Emigracioni ka qenë dhe mbetet realitet 30-vjeçar në Shqipëri. Por me një klimë biznesi që do të hapë vende të reja pune, vende pune të kualifikuara, sektor privat që jep paga të larta, të rinjtë shqiptarë do të kenë të gjitha kushtet dhe motivimin për të qëndruar këtu.”, tha Basha.