Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Berisha: Dënoj me forcën më të madhe pushtimin e vakëfit dhe të xhamisë nga banditë me uniformë

Politiko 20 Shkurt 2026, 13:18

Berisha: Dënoj me forcën më të madhe pushtimin e

Kreu i Partisë Demokratike, Sali Berisha, gjatë një deklarate për mediat, dënoi ashpër atë që e cilësoi si “pushtim të vakëfit dhe të xhamisë nga banditë me uniformë”, ndërsa iu përgjigj edhe pyetjeve të gazetarëve lidhur me protestën e thirrur nga opozita.

I pyetur  se kë do të “rrëzojë” sot Partia Demokratike, duke kujtuar rrëzimin e shtatores më 20 shkurt 1991, Berisha u përgjigj:

“Enver Hoxha ndodhej në varr kur ne e përmbysëm.”

Në vijim, ai theksoi se më 20 shkurt 1991 u përmbys regjimi dhe se shtatorja ishte simbol i tij. Sipas Berishës, qytetarët do ta shohin vetë “përmbysjen”, pavarësisht nëse kryeministri ndodhet apo jo në zyrë.

“Ne faktikisht përmbysëm regjimin e tij atë ditë, shtatorja ishte një simbol i atij regjimi. Është, nuk është, pse ia mbath Edi Rama, qytetarët e shohin vetë përmbysjen me sytë e tyre. Edi Rama shpresë nuk ka më. Iu dogj e gjitha. Minjtë po ikin nga anija që po mbytet”, u shpreh ai.

I pyetur nëse protesta do të zhvendoset pranë Parlamentit, duke qenë se ndodhemi në muajin e shenjtë të Ramazanit dhe aty pranë ndodhet edhe xhamia, Berisha shprehu respekt për besimtarët që agjërojnë dhe falen.

“Për të gjithë ata që agjërojnë, nderimin dhe respektin tim më të madh. Dënoj me forcën më të madhe pushtimin e vakëfit dhe të xhamisë nga banditë me uniformë dhe kërkoj që njeri prej tyre të mos shkelë në territorin e vakëfit dhe të xhamisë”, deklaroi ai.

Berisha shtoi se protestuesit do të tregojnë respekt maksimal për besimtarët dhe se, sipas tij, përgjegjësia për çdo veprim në territorin e vakëfit nuk i takon opozitës.

“Protestuesit, përveç nderimit më të madh për ata që falin namazin në xhami, nuk mund të kenë asgjë tjetër. Ata që hyjnë me uniforma, ata që përdorin territorin kundër protestuesve paqësorë, kryejnë një akt të rëndë. Por ne do i çlirojmë shqiptarët edhe nga këta banditë”, u shpreh Berisha.

Të fundit