Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Berisha: Çdo ditë e Edi Ramës në pushtet është një rrezik madhor për çdo shqiptar

Politiko 15 Janar 2026, 14:27

Berisha: Çdo ditë e Edi Ramës në pushtet është

Kryetari i Partisë Demokratike, Sali Berisha, deklaroi se çdo ditë e mëtejshme e Edi Ramës në pushtet përbën një rrezik serioz për qytetarët dhe për shtetin shqiptar, duke e akuzuar kryeministrin për një betejë të hapur dhe të rrezikshme kundër Kushtetutës dhe rendit demokratik.

Sipas Berishës, Rama është i vetëdijshëm për rolin e personazheve kyçe të lidhura me AKSHI-n dhe për aferat që, sipas tij, kanë kaluar përmes këtij institucioni, duke përfshirë qindra milionë euro fonde publike.

Ai theksoi se këto çështje janë të dokumentuara dhe të vërtetuara përmes provave, filmimeve, dokumenteve dhe dëshmive, përfshirë edhe dëshmi të të penduarve të drejtësisë.

Berisha u shpreh se kryeministri ndodhet tashmë në një “rreth të kuq”, i përfshirë drejtpërdrejt në skandale të rënda, dhe se përpjekjet e tij për të mbrojtur veten dhe rrethin familjar e politik nuk do të kenë sukses.

Sipas tij, Rama po vepron vetëm për të shpëtuar veten, duke përdorur çdo mjet, por kjo përpjekje është e destinuar të dështojë përballë fakteve dhe drejtësisë. Berisha theksoi se akuzat nuk janë aludime politike, por çështje të ngritura nga hetimet dhe akuzat ekzistuese.

PJESE NGA DEKLARATA

Ai e di, ai ka nisur betejën me Kushtetutën, betejën më të egër, më të rrezikshme kundër shqiptarëve.
Ai e di se Mirlinda dhe Linda janë personazhe kryesore të AKSHI-t. Ai e di, se aty ku thuhet Ermal Beqiri, është Armang Frangu dhe i ka të vërtetuara të gjitha Geron Meçe.
Ai e di se në ato zyrat e Ergys Agasit është i filmuar dhe në shtëpinë e tij, si një nga personazhet më të turpshme të një vendi.
Ai e din se me AKSHI-n, me Ermal Beqirin, ai kaloi në Surrel, qindra e qindra milionë euro.
Pra është e qartë, është në rreth të kuq, se ai po të mos ishte vetë personalisht, as për Lindën as stërLindën, as Lubinë as stërLubinë nuk i binte ndërmend.
Do ishte i gatshëm dhe për skena Makbethiane që të shpëtonte veten e tij, por nuk shpëton dot.
Nuk shpëton dot se janë videot.
Nuk shpëton dot se janë dokumentet.
Nuk shpëton dot se janë dëshmitë. Dëshmitë e të penduarve të drejtësisë dhe dëshmi të tjera. Po.
Në të dy dosjet, i di ato ai. Ndaj dhe i them këto që shqiptarët ti kenë të qarta se çfarë rreziku përbën ky i papërgjegjshëm, kreu i organizatës kriminale për Shqipërinë dhe vendin. Është kapur në qark, nuk ka më.
Ai po mbron veten e tij se dhe vaj të nxehtë do të ju hidhte në vesh në mesnatë, po të shpëtonte. Por nuk shpëton dot. Jo. E ka shumë të qartë.
Do thotë kush por po aludon. Nuk jam unë që kam aluduar për krimet e tij. Është ai që është i akuzuar dhe për krime. Po, absolutisht. Ndaj dhe i them këto që qytetarët të realizojnë se çfarë rreziku paraqet ky njeri në pushtet. Çdo ditë e tij në pushtet është një rrezik madhor për çdo shqiptar.

ZYRA E MEDIAS DHE KOMUNIKIMIT, PARTIA DEMOKRATIKE