Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Berisha thirrje qytetarëve: Të gjithë para Parlamentit ditën që paraqitet kërkesa për Ballukun

Politiko 3 Mars 2026, 13:20

Berisha thirrje qytetarëve: Të gjithë para Parlamentit ditën

Kryetari i Partisë Demokratike, Sali Berisha, ka bërë thirrje për mobilizim qytetar ditën që në Parlament do të paraqitet kërkesa për ministren Belinda Balluku, duke kërkuar bashkim përpara Kuvendit.

Gjatë një deklarate për mediat, Berisha akuzoi kryeministrin Edi Rama se po pengon drejtësinë, pavarësisht sipas tij kërkesave të partnerëve ndërkombëtarë dhe Komisionit Europian për të mos ndërhyrë në proceset ligjore.

Ai tha se Rama po vepron për të mbrojtur “krimet dhe pasuritë e tij”, ndërsa shtoi se qytetarët nuk duhet të lejojnë, sipas tij, që e ardhmja europiane e vendit të vihet në rrezik.

Berisha e krahasoi situatën me periudha të errëta të historisë, duke përmendur edhe regjimin e Enver Hoxha dhe theksoi se është detyrë e qytetarëve të mbrojnë Kushtetutën dhe shtetin ligjor.

PJESE NGA FJALA

Edi Rama, kërkesave të fuqishme nga partnerët tanë më kryesorë, nga Komisioni Europian për të mos penguar drejtësinë, iu përgjigj me artikullin e hapur të firmosur së bashku me vëllain e tij Vuçiç, padronin e tij, duke u thënë europianëve se nuk kemi nevojë për integrimin në BE.
Arrin gjer në këtë akt vetëm për të mbrojtur krimet dhe pasuritë e tij të krimit.
Por Edi Rama është një person, është kryeministër, sigurisht, ka edhe një rreth që janë anëtarë të organizatës së tij kriminale, por shqiptarët nuk do lejojnë kurrë që fati i tyre të shkelmohet edhe kësaj here siç u shkelmua nga Enver Hoxha për 46 vite.
Ndaj dhe ftesa ime për mbarë qytetarët shqiptarë, ditën që do paraqitet kërkesa në parlament, që të gjithë para parlamentit për të mbrojtur Kushtetutën, ligjin, dinjitetin kombëtar.
Për të mbrojtur shtetin ligjor, shtetin e të drejtës.
Me vendimin e tij, në këtë mënyrë siç ka ecur, de facto asgjëson drejtësinë.
Askush nuk e mbështet atë në këtë rrugë.
Por askush nuk do të vijë ta heqë atë prej leckash nga zyra e kryeministrit.
Është detyra jonë, është misioni ynë, misioni i qytetarëve shqiptarë të mos pranojnë kurrë t’u mbyllen dyert e Europës nga një kryehajdut i kombit në historinë e Shqipërisë.
Nga një armik i shqiptarëve.
Ndaj dhe sot më shumë se kurrë nevojitet të bashkohemi kundër këtij rreziku të jashtëzakonshëm për fatin tonë, për të ardhmen tonë.
Për sa kohë është BE e ardhmja më e mirë dhe fati më i madh i shqiptarëve është anëtarësimi në BE.
Nuk mundet kurrë një njeri për interesa personale të na mbyllë dyert.
Nuk ka armik më të keq se atë që tenton të na bëjë këtë.
Dhe ky është Edi Rama.

ZYRA E MEDIAS DHE KOMUNIKIMIT, PARTIA DEMOKRATIKE