Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Berisha i bashkohet homazheve për Ilvi Metën: Vdekjet e të rinjve në qeli, janë vrasje shtetërore

Politiko 7 Maj 2022, 20:28

Berisha i bashkohet homazheve për Ilvi Metën: Vdekjet e të rinjve

Ish-kryeministri Sali Berisha i është bashkuar protestës së heshtur në kujtim të Ilvi Metës, 31-vjeçari i cili u vetëvar në një nga dhomat e Komisariatit të Kavajës.

Në një deklaratë për mediet, Berisha deklaroi se të gjitha vrasjet apo vetëvrasjet e të rinjve në qelitë e burgjeve dhe komisariateve në Shqipëri, janë vrasje shtetërore. Ish-kryeministri fajësoi për ngjarjet në fjalë rekrutimet sipas tij, brenda policisë të eksponentëve të krimit.

“Kjo është një protestë e heshtur ndaj vdekjeve të të rinjve në qelitë e narkokomisariateve në narkopolicisë shqiptare. Çdo qytetar i këtij vendi që shoqërohet apo ndalohet në një institucion të vuajtjes së dënimit apo në komisariate të policisë, ka të garantuar me ligj jetën, paprekshmërinë dhe dinjitetin e tij. Kjo është për çdo vend të lirë. Kurse në Shqipërisë është një seri tragjike të rinjsh të cilët hyjnë në qeli të shoqëruar në shëndet të plotë dhe dalin prej tyre me arkivol. Rasti i fundi i Ilvi Metës në Kavajë është një rast tragjik, i cili dëshmon fytyrën e vërtetë të narkoshtetit shqiptar. U shoqërua në polici dhe u more me një vendim gjykate. Dhe brenda disa orëve del nga komisariati në arvikol. Asnjë nga përgjegjësit kryesorë të shtetit nuk ka shqiptuar asnjë fjalë të vetme për dramën e këtij të riu. Ky është morali i kësaj bande në pushtet. Unë iu garantoj se shkaku themelor i kësaj janë rrethana shtetërore sepse nuk mund të ndodhin sipas ligjeve as vrasje as vetëvrasje. Shkak më kryesor është rekrutimi në policinë e shtetit i pengmarrësve, trafikantëve, përdhunuesve dhe vrasësve ordinerë. Ata kanë moralin e narkoqeveritarëve të sotme. Ndaj në këto qeli përshtaten praktika dhe qëndrime çnjerëzore.  Këto janë vrasje shtetërore”, tha Berisha.

 

Të fundit