Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Berisha kundër bashkëqeverisjes PD-PS/ Konfirmon se do të jetë në Kuvend dhe i përgjigjet Kimit; flet për hakmarrje Rama-Soros

Politiko 5 Gusht 2021, 13:09

Berisha kundër bashkëqeverisjes PD-PS/ Konfirmon se do të

Kryeministri Sali Berisha doli sot në një konferencë për mediat, ku bëri me dije se ka dorëzuar padi në gjykatën e Parisit kundër Sekretarit Amerikan të Shtetit, Antony Blinken.

Ai iu është përgjigjur pyetjeve të gazetarëve lidhur me zhvillimet e fundit, ku në fokus kanë qenë deklaratat e ambasadores amerikane Yuri Kim, e cila i ka kërkuar kryedemokratit Lulzim Basha përjashtimin e Berishës pas shpalljes së këtij të fundit "non grata" në SHBA.

Berisha bëri me dije se Basha sikurse vetë ai, i ka kërkuar diplomates prova kundër ish-kryeministrit. Ai tha se ka komunikuar me Bashën pas takimit me Kim, duke bërë me dije se ambasadorja i kishte thënë kryedemokratit ka prova, por s'do t'i bëjnë publike. Berisha i sugjeroi Bashës që të zbatojë vetëm ligjin dhe të bazohet te transparenca.

Ish-kryeministri tha prerë se do të jetë në shtator në Kuvend me PD dhe se nuk ka forcë që mund t'ja ndryshojë këtë qëndrim. I pyetur nga gazetarët nëse është dakord për bashkëqeverisje mes PD dhe PS, ai është shprehur kategorikisht kundër, duke e cilësuar dramën më të madhe për Shqipërinë.

“Kategorikisht kundër. Do të ishte drama më e madhe e Shqipërisë dhe shqiptarëve që opozita, e cila është shpresë për përmbysjen e narkoshtetit, të shndërrohet në levë të narkoshtetit. Jam i bindur se janë shumë të paktë, ose ndoshta askush nga demokratë, por bashkëpunimin që iu referua zonja Kim mund të jetë, por edhe jo, për bashkëqeverisje”, tha Berisha.

Ish-kryeministri e ka cilësuar shpalljen "non grata" një hakmarrje nga Rama dhe miliarderit George Soros. Sa i përket deklaratave të ambasadores, Berisha tha po mundohet që shqiptarët të mos hanë bar. Ai tha se rruga e vetme për t'i mbrojtur shqiptarët është transprenca dhe se do ta vazhdojë misionin e tij.

"Ambasadorja Kim është unike në botë. Pasi ka lavdëruar një masakër zgjedhore kërkon tani t'i diktojë këtij vendi se kush duhet dhe kush nuk duhet të futet në Parlament. Ajo qëndrimin e saj e lidhi me dogmën e barit ko rastësisht. Ajo është njeri i shkolluar mirë dhe e ka lexuar edhe Enver Hoxhën, edhe Lincoln, edhe Kim Yong Un etj.

Diktati dhe bari janë binom i paparë. Shqiptarët e dinë mirë që në diktaturë kur njerëzit për dramën e tyre i kishin deleguar Hoxhës kanë ngrënë bar dhe kanë vdekur nga bari. Unë po bëj gjithçka që shqiptarët të mos hanë bar. Unë nuk po ofroj bari por transparencë. Unë nuk mbrohem nga imuniteti, sovraniteti apo Kushtetuta por unë nuk pranoj që në diktat t'i shkel ato. Dhe rruga e vetme për t'i mbrojtur ato është transparenca. Nuk ka forcë në botë, përveç Zotit që më pengon mua pa e ushtruar misionin tim të dhënë nga zgjedhësit shqiptarë. Mesa di unë kreu i PD kia kërkuar të njëjtën gjë, transparencë", tha Berisha.