Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Berisha: Lista e deputetëve të PD për 11 majin ka emra të denjë për tre parlamente

Politiko 12 Mars 2025, 20:47

Berisha: Lista e deputetëve të PD për 11 majin ka emra të

Në fjalën e mbajtur në Këshillin Drejtues të Partisë Demokratike, kreu i PD, Sali Berisha, theksoi se lista e deputetëve të PD-së për zgjedhjet e 11 majit ka emra që janë "të denjë për tre parlamente". Ai vlerësoi kandidatët e partisë si të aftë dhe të përgatitur për të udhëhequr Shqipërinë drejt ndryshimeve pozitive.

Në fjalimin e tij, Berisha nuk ka munguar as në kritikat ndaj kampit kundërshtar. Sipas tij, "në listën e kundërshtarëve janë delinkuentë, kriminelë, ministra të veshur me Dolce & Gabbana dhe firma shumë më të shtrenjta, por që paratë i kanë nga kriminelët". Ai shtoi se këta përfaqësues shkojnë me një "barrë të rëndë dosjesh krimi në shpinën e tyre".

Pjesë nga fjala e Berishës:Kanë 2 muaj që këndojnë himnin e hajdutit, që lajmet nuk kanë asgjë tjetër vetëm Lali Vjedhësin, se si Lali Vjedhësi nuk ka vjedhur, se si po merreni me fustanet, packa se ishte gardëroba si e Lajla Asadit, identike. Kur Lajla Asadi shkoi në Moskë, dy lajme dolën, që Asadi solli kaq flori dhe që Lajla kishte 1 milion dollarë garderobën. Pra, zotëria tani është zhytur në park zoologjik dhe me këto mendon se do i hutojë shqiptarët. Nuk u thotë një fjalë për ujin e pishëm, nuk u thotë nj fjalë për kafshatën që ua preu, nuk u thotë një fjalë për çmimet stratosferike, nuk u thotë një fjalë për pabarazinë e tmerrshme që ka krijuar në rroga të ulëta dhe të larta, u thotë që po u rritën pensionet, përmbyset Shqipëria dhe mendon se këto do ua kompensojë duke prodhuar çdo mëngjes zhaba, zhapikë, hardhuca dhe kafshë të tjera të natyrës.

Pra, ndërkohë epërsia jonë është morale dhe programore. Ne kemi një program të shkëlqyer, një program që nuk e ka pasur kurrë Shqipëria më parë. Një program të hartuar me ekspertët më të mirë ndërkombëtarë të fondacioneve Heritage dhe Adenauer. Një program, i cili këtë Shqipëri të sotmen, që braktiste masivisht nga shqiptarët, e shndërron në një Shqipëri Madhështore, krenare për shqiptarët. Një program i cili në çdo kolonë të tij, në çdo projekt të tij është konkret dhe 100 përqind i realizueshëm. Një program me paketën e dhembshurisë. Sigurisht ajo do jetë paketa e parë. Ata që numërojnë kafshatat, ata qënuk mjekohen, nuk do numërojnë kurrë kafshatat se do marrin shumën që i nxjerr jashtë varfërisë ekstreme. Do marrin ilaçet siç i meritojnë. Do marrin kartën e konsumatorit, do i marrin më lirë ushqimet, pa tajksa. Nuk mund të vuajnë ata për kafshatën.

Vetëm një Shqipëri e tillë do ringjallet, do rizgjohet dhe do bëhet Shqipëri prodhuese. Made in Albania do jetë krenaria shqiptare. Do bëjmë gjithçka që çdo burim, tokësor, mbitokësor, nëntokësor, turistik, etj, të shndërrohet në mirëqenie dhe pasuri për qytetarët shqiptarë. Shqipëria prodhuese do të jetë motoja jonë. Mos harroni një gjë, se do u thonë kundërshtarët se ku ishit ju kur ishit në pushtet. Po, ishim në pushtet, dhe eksportet që janë prodhim, u rritën 320 përqind. U rritën sepse ne krijuam dhe do krijojmë prapë klimën më miqësore për biznesin. Sistemin e taksave më të ulëta. Konkurrencës më të ndershme. Epërsia jonë është programi ynë, i cili bazohet në parimet më të avancuara të tregut të sotëm. Një program që mban vulën e Heritage Foundation, e thinktankut konservator më të fuqishëm në botë. Mban vulën e Adenauer Stiftung. Një program që do transformojë Shqipërinë me shpejtësi.