Flash News

KQZ shpall nesër rezultatet përfundimtare të zgjedhjeve në Kosovë

Dalin notat e provimit të Matematikës

Shkon në 64 numri i të helmuarve në Akademinë e Policisë, nën hetim “Sori-AL” dhe AKU

Përplasja me armë zjarri në Shkodër, dy të arrestuar, një në kërkim

‘Përvëlohet’ Shqipëria, parashikohen temperatura deri në 40 gradë

Ditari i Opozitës

"Adem Jashari u stërvit në Shqipëri nga LDK", Berisha: Rugova ishte ndërtuesi i pavarësisë së Kosovës

Politiko 30 Nëntor 2024, 10:49

"Adem Jashari u stërvit në Shqipëri nga LDK", Berisha:

Kryetari i Partisë Demokratike, Sali Berisha ka marrë pjesë në konferencën për 80-vjetorin e lindjes së Presidentit historik të Kosovës. Instituti i Studimeve të Evropës Juglindore, organizoi ditën e sotme konferencën shkencore – Jubilare: “Dr. Ibrahim Rugova dhe shtetformimi në Kosovë”.

Gjatë fjalës së tij, Ibrahim Rugova ishte unik në llojin e tij, politikan edhe misionar dhe ata që nuk e njohën Rugovën si të tillë, gabuan shumë. ‘Rugova ishte vështirë ta ndaje, se cili Rugovë predominon. Predominon Rugova misionar, apo Rugova president, politikan’- u shpreh Berisha. Por sipas Berishës, Kosova e pavarur ishte një ide që Ibrahim Rugova e mbolli në mendjen e pothuajse të gjithë shqiptarëve të Kosovës.

Berisha: Rugova ishte ndërtuesi i pavarësisë së Kosovës, ishte ndërtuesi i saj.
Natyrisht projekti i tij paqësor kishte kufij të caktuar dhe realizimi i tij pa luftën ishte i pamundur.
Historianët do të nxjerrin të vërtetën, sepse ai këtu në ministrinë e tij të mbrojtjes që kishte, ajo ministri këtu stërviste ushtarakë. Po. Dhe aq sa konsiderohet Adem Jashari, themelues i UÇK-së, e vërteta është se Adem Jashari, jo një, por mbase 2-3 herë është stërvitur në Shqipëri nën drejtimin e qeverisë së Kosovës.
Megjithatë ata që bënë luftën kanë meritën e jashtëzakonshme, historike. Ata shtynë përpara projektin e pavarësisë. Bënë të mundur që Aleanca e Atlantikut të Veriut të ndërmarrë sulmin më të madh pas luftës së dytë botërore, për lirinë dhe të drejtat e shqiptarëve.
Paslufta përsëri shqiptarët në Kosovë, në të gjitha zgjedhjet, votuan Rugovën dhe LDK-në.
Në besim të madh e pyet një gazetar i CNN, në kampin e shqiptarëve në Maqedoni, pse e doni ju këtë, një fshatar me qeleshe; e duam thotë, se është i civilizuar.
Në fakt ai ishte i civilizuar. Ai Ibrahim Rugova imponohej me civilitetin e tij.
Në këtë kontekst, ai ishte një fakt madhor, kryesor, i garancive për një Kosovë demokratike, Kosovë të qytetarëve të barabartë para ligjit.
Askush nuk mund të ishte si ai, president i shqiptarëve, serbëve, malazezëve, boshnjakëve, romëve i të gjithë qytetarëve që jetonin në Kosovë.
Dhe askush nuk mund të vinte në diskutim kredencialet e tij.
Përpjekjet që Kosova të mos jetë e pavarur, dhe qenë shumë të forta gjithnjë ndesheshin me faktorin Rugova, i cili ishte një garant i një shteti të lirë, të pavarur.
Kurrë nuk arritën që të lëshonin akuzën e vetme në këtë drejtim.
Nuk donin pavarësinë pas lufte, të jemi realistë, e donin SHBA-të dhe e bënë ato, por Europa u lëkund shumë, për fat të keq.
Fillimisht eci drejt saj, pastaj ndodhi një stopim i paarsyeshëm i asaj ideje, dhe filluan njësoj si gjatë pavarësisë së Shqipërisë, pse dy shtete islamike, ndërkohë që ne ishim shtete laike, në një kohë që nuk e deshëm vetë të ishim dy shtete, por na detyruan vetë të ishim dy shtete, por ai qëndroi dhe u shndërrua në një nga faktorët më kryesor të besimit të botës, për një Kosovë të lirë, të pavarur.
Ndaj dhe ne, unë do ta mbyll fjalën time me një mirënjohje të thellë për veprën e pavdekshme të Ibrahim Rugovës.
Po e përshëndes këtu, mikun e tij të ngushtë mikun e tij të ngushtë, dhe mikun tim presidentin Fatmir Sejdiu dhe të gjithë të pranishmit, zotin Nesho dhe të gjithë të pranishmit për këtë konferencë kushtuar një gjeniu të papërsëritshëm në politikën shqiptare siç ishte, Ibrahim Rugova.

Të fundit