Berisha në selinë e PD, Xhaferraj: Bëri autogol, u kthye pas në kohë. Ristani: Njerëz me maska e armë sulmuan zyrën e FRPD

Selia e PD u kthye sot në një arenë tensioni pasi ish-kryeministri Sali Berisha me grupin e rithemelimit të partisë u futën brenda godinës në të njëjtën kohë kur kryedemokrati Lulzim Basha po zhvillonte mbledhje me strukturat.

Ky debat është edhe fokusi i emisionin ‘Politiko’ i Alfred Lelës në Top News, ndërsa ka përplasur dy nga të ftuarit, deputetin e PD, Ferdinand Xhaferraj dhe ish sekretarin e përgjithshëm të PD, Arben Ristanin.

Pjesë nga debati:  

Xhaferri: PD ka dritëhijet e veta. Kemi përmendur vlerat e Berishës, por në tgë shkuar ka patur edhe momentet kritike. Kjo që ndodhi sot na con në pas në kohë.

Ajo që ndodhi sot ishte një mënyrë futje dhunshme në institucion.

Lela: Ka pasë të armatosur ndër mbështetësit e Bashës?

Xhaferraj: Unë aty isha, s’kam parë pistoletë.

Lela: Po zyra forumit rinor a u sulmua?

Xhaferraj: Nuk e di të jetë sulmuar. Jam munduar në qëndrimet të shoh anët e përbashkëta, sot kjo që ndodhi fut në kontradikte retorikën e Berishës, e ktheu pas në kohë dhe s’kishe asgjë të përbashkët me frymën e re.

Lela: Funksionarë të PD sot ishin në zyrën e tyre, ku është shkelja?

Xhaferraj: E bëri vetë Berisha, donte ta bënte objekt diskutimi. Bëri autogol e ktheu veten në opinion në anë të tij negative.

Xhaferraj dhe Ristani debatuan edhe për organizimin e Kuvendit të 11 dhjetorit.

Ristani: Kuvendi ishte spektakël i vërtet i demokracisë. Mori vendimet që në raport me statutin janë revolucionare.

Lela: PD nuk e ka njohur...

Ristani: Kush është PD? Organi më i lartë vendimmarrës i partisë është Kuvendi. Më pas organet e zgjedhura të kuvendit. Hoqi nga mundësia një kryetar të përjetshëm.

Xhaferraj: kuvendi nuk ishte legal në kuptimin statutor

 Ristani: Kuvendi anuloi kuvendin e 18 dhjetorit. Sot ishim civilë të qetë dhe hymë për të bërë mbledhjen tonë. Morëm vendimet tona për të vazhduar. Ajo që ndodhi ishte sulm me maska e armë që sulmuan zyra e FRPD dhe vodhën materialet.

Xhaferraj: Është njësoj si të më thuash mua ke vjedhur shtëpinë tënde.

Ristani: E keni me video e dëshmitar, u vodhën sende personale të kreut të FRPD.

Xhaferraj: Mënyra si u soll Berisha sot riktheu në memorio anët jo pozitive të tij. Dëshiroj të jem gabim. Komisioni që erdhi sot nuk ekziston për PD. Shihe sa do kesh më 18.