Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Rama mbron hetimin për review-t negative ndaj bizneseve, akuzon protestuesit për “sulm kriminal”

Përplasen dy makina në aksin e vjetër Fier–Vlorë, një i plagosur

Digjet një banesë në qendër të Durrësit, ndërhyjnë zjarrfikësit

Moti ekstrem kërcënon çerekfinalen, FIFA mund të ndryshojë orarin e Angli–Norvegji

Ditari i Opozitës

Berisha nga Fushë-Arrëzi: Fran Tuci ka dosje në prokurorinë e partisë, ka krijuar parajsën e vet me fonde

Politiko 30 April 2023, 12:12

Berisha nga Fushë-Arrëzi: Fran Tuci ka dosje në prokurorinë

Kryedemokrati Sali Berisha prezantoi sot nga Fushë-Arrëzi, kandidatin e koalicionit “Bashkë Fitojmë” në këtë bashki.

Berisha, në fjalën e tij, tha se Fran Tuci kryebashkiak i Fushë-Arrëzit ka disa dosje në Prokurori. Berisha e ftoi Tucin të vijë në shesh dhe të tregojë çdo qindarkë që ka se si e ka fituar.

Po ashtu Berisha denoncoi edhe baxhanakun e Ramës, i cili tha se merr qindra tendera.

"Këto zgjedhje në të vërtetë, më shumë se çdo zgjedhje tjetër ndonjëherë që nga 1992, janë zgjedhje në të cilat, çdo shqiptar, demokrat, socialist, i paparti, voton për veten e tij në radhë të parë, voton për fëmijët e tij, për të ardhmen e këtij vendi, dhe kjo duke votuar për Hil Currin. Janë vota për veten tuaj, sepse Fran Tuci kandidon, më falni, kandidon dhe nuk ka sot një socialist në Fushë Arrëz, që mund të na thotë këtu, se e kam propozuar unë Fran Tucin, apo e kam votuar unë Fran Tucin që të rikandidojë.

Kandidon pasi ai me fondet e demokratëve, socialistëve, të paparti, ka krijuar parajsën e vet, të enturazhit të tij dhe ka injoruar tërësisht problemet e mëdha të qytetarëve të Fushë Arrësit, të të rinjve, burrave dhe grave të kësaj bashkie dhe qyteti.

Fran Tuci ka disa dosje, është famoz, ka disa dosje në prokurorinë e partisë, por në qoftëse i duket se po rëndohet, e ftoj të vijë këtu në këtë shesh, ta zgjedhë ditën dhe ju të gjithë burra e gra aty, bashkë me Hil Currin ti nxjerrin xhepat, të tregojë çdo gjë, çdo qindarkë që kanë, cila është origjina e tyre, çfarë do bëjnë për ju. Por Fran Tuci nuk vjen, se nuk e lë Edi Rama e para, sepse po të dalë Frani me Hilën këtu, detyrohet të dalë edhe ai me Sali Berishën, dhe po të dalë ai me Sali Berishën i themi hajde njëherë të fillojmë pak me pasuritë. Ai në sarajet e Surrelit, Sali Berisha në një apartament si shumica e qytetarëve prej 32 vitesh.

Ai me dhjetëra e dhjetëra tendera, njëlloj si ky Frani këtu, që edhe nëse nuk ja fiton i vëllai, ja ndërmjetëson i vëllai ato tenderat. Edhe Edi e ka baxhanakun famoz, baxhanaku i Edit që ta dini ju, fiton absolutisht mbi 100 tendera. E kanë privatizuar. Por jo vetëm baxhanaku, por edhe thjeshtra i shkatërroi të gjitha kompanitë e projektimeve sepse thjeshtra ka krijuar një kompani vetë dhe është lidhur me një kompani të huaj, e ajo e huaja i fiton të gjitha tenderat dhe merr nënkontraktore thjeshtrën e Edi Ramës. Frani këtu është miniaturë e Edi Ramës", deklaroi Berisha.

Të fundit